SAN JUAN 13:31 - Dios Rimashcata Quillcashcami

³¹ Judas llucshishpa ricpimi Jesusca: —Cunanmi Runa Tucungapac shamushca ñucaca jatunyachishca cagrini. Diospish ñucamantami jatunyachishca canga.

Nuevo Testamento en Quichua Cañar 1996

³¹ Judas llucshishpa rishca q'uipami, Jesusca cashna nirca: —Cunanmi Runa Tucungapac shamushca*f** ñucaca sumacyachishca cagrini. Taita Diospish ñucamantami sumacyachishca cagrin.

SAN JUAN 13:31 Referans Kwoze

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

SAN JUAN 14:13

Ñucapac shutipi imatapish mañacpica, ñuca Taita jatunyachishca cachunmi cusha.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

SAN JUAN 16:14

Paica ñucamanta chasquishpami cancunaman yachachinga. Chaimantami ñucata jatunyachinga.

SAN JUAN 12:23

Shina huillacpimi Jesusca: —Runa Tucungapac shamushca ñucata jatunyachina punzhami chayamushca.

SAN JUAN 11:4

Jesús chaita uyashpaca: —Chai ungüica mana huañuchic ungüichu, ashtahuanpish Diostapish, paipac Churi ñucatapish jatunyachingapacmi— nirca.

FILIPENSES 2:11

Diosta “sumacmari cangui” nishpa, Jesucristotapish “tucuita Mandacmi cangui” nichunmi» chashnaca ruhuarca.

EFESIOS 2:7

Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

EFESIOS 1:12

Chashna ruhuashpaca, ñucanchicrac punta Apunchic Jesús yuyailla cashpa, Diosta “allimari cangui” nichunmi chashnaca ruhuarca.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

SAN JUAN 12:28

¡Taitalla, cambac shutita jatunyachiyari!— nirca. Shina nicpi, jahua pachamantaca: «Ña jatunyachircanimi. Cutinpish ricuchishami» nishcami uyarirca.

SAN LUCAS 12:50

Bautizaric shina, llaquita apanaracmi cani. Chai pactangacamanca, yallita llaquillami cani.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.