SAN JUAN 12:5 - Dios Rimashcata Quillcashcami

⁵ —Cai mishquilla ashnacuctaca, quimsa patsac denario cullquipi catushpa huacchacunaman cunachari, ashtahuan alli canman carca— nirca.

Nuevo Testamento en Quichua Cañar 1996

⁵ —Cai mishquilla ashnacuctaca, quimsa pasac denario*f** cullquipi c'atushpa huacchacunaman cunachari, ashtahuan alli canman carca— nirca.

SAN JUAN 12:5 Referans Kwoze

SAN LUCAS 18:22

Shina nicpimi Jesusca: —Caitapishmi ruhuana cangui: Tucui charishcacunata catushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata catilla— nirca.

SAN LUCAS 12:33

Imalla charishcata catushpa, huacchacunaman cuichic. Chashna ruhuashpaca, mana ismuclla cushtalpi huacaichic shinami, jahua pacha huiñai causaipi charicyanguichic. Chaipica shuhuacpish mana yaicunchu, polillapish mana micunchu.

SAN JUAN 6:7

Shina nicpimi Felipeca: —Ishcai patsac denario cullquihuan randishca tandapish asha ashallami cai tucui gentecunamanca pactanga— nirca.

SAN LUCAS 6:41

¿Ima nishpatac cambac ñahuipi tiyacuc caspita ricushpa, shucpac ñahuipi tiyacuc ucshatarac ricungui?

SAN MATEO 20:2

Ña tarishpaca, shuc punzhapi mashnata paganata parlashpami, uvasta pallachun cacharca.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

ÉXODO 5:17

Shina nicpimi Faraonca: —¡Cancunaca quilla gentecunami canguichic! Chashna cashpami: “Animalta rupachishpa, Mandac Diosman cugrishun” ninguichic.

ÉXODO 5:8

Utcaman mashna ladrillota ruhuac cashca shinallatacmi cunanpish ruhuana can. Quillamantami paicunaca: “Animalcunata rupachishpa, ñucanchic Diosta yuyaringapac jacuchic” nishpa caparicun.

SAN MATEO 18:28

Chai servic chaimanta rishpaca, paiman ashalla cullquita debic runahuanmi tuparca. Chashna tupashpaca: “¡Debita cutichi!” nishpami, cungapi japirishpa sipi callarirca.

SAN JUAN 12:4

Chashna ruhuacpimi, yachacuccunapuramanta quipaman Jesusta japichigricuc Judas Iscarioteca:

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN JUAN 13:29

Judasca cullquita tandacmi carca. Chaimantami maijan yachacuccunaca: «Judastami fiestapac imallata randichun nicunga, mana cashpaca, huacchacunaman cullquita cuchunmi nicunga» nishpa yuyacurca.

ESDRAS 4:14

Ñucanchicca jatun mandacpac huasimantami micushpa causacunchic. Chaimantami can jatun mandacta yangapi churachunca mana munanchic. Chashna cashcamantami can jatun mandac yachachun caita cachanchic.