SAN JUAN 12:26 - Dios Rimashcata Quillcashcami

²⁶ Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

Nuevo Testamento en Quichua Cañar 1996

²⁶ Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.

SAN JUAN 12:26 Referans Kwoze

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.

COLOSENSES 3:24

Cancuna allita ruhuashcamantaca, criccuna japichun Dios huacaichishcata japigrina cashcata yuyaichic. Jesucristo cancunapac Amo cacpimi, cancunaca imata ruhuashpapish, paipacta ruhuacunguichic.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

2 CORINTIOS 5:8

Paillapi shunguta churashca cashpami cai cuerpomanta anchurishpa Apunchic Jesus-huan causagrinata munanchic.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

1 JUAN 5:3

Maijanpish Diosta cuyacca pai mandashcatami pactachin. Pai mandashcacunaca pactachinallami can.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

ROMANOS 14:18

Chai shina Cristota servishpami, Diosta cushichishpa, runacunapacpish alli nishca causan.

SAN JUAN 15:20

Ñuca: “Shuc servicca mana amota yallichu” nishcata yuyarichic. Ñucatapish llaquichircacunami. Cancunatapish llaquichingami. Ñuca rimashcata cazushpaca, cancuna rimashcatapish cazungami.

SAN LUCAS 6:46

Cancunaca, ¿ima nishpatac Apunchic Jesús, Apunchic Jesús nicushpapish, mandashcataca mana pactachinguichic?

PROVERBIOS 27:18

Higo chagrata cuidacca chai yuracunapi pucushcatami micunga. Amo munashcata ruhuac servicca alli nishcami canga.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SAN JUAN 13:16

Servicca mana amota yallichu. Cachashcapish mana cachacta yallichu. Chaica chashnatacmi can.

SAN LUCAS 9:23

Chaipi caccunataca: —Maijanpish ñucata catisha nishpaca, quiquin causaita mana llaquinachu can. Cruzpi chacatashca huañuna shina llaquita apana cashpapish, ñucata punzhanta catichunlla.

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

NÚMEROS 14:24

Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata catilla— nirca.

SAN JUAN 14:15

Ñucata cuyashpaca, ñuca mandashcacunata cazunguichic.

MARCOS 8:34

Jesusca paipac yachacuccunatapish, caishuc gentecunatapish cayashpaca: —Maijanpish ñucata catisha nishpaca, quiquin causaita mana llaquishpa, cruzpi huañuna shina llaquita apana cashpapish, ñucataca catichunlla.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

NÚMEROS 32:11

“Egiptomanta llucshimuc ishcai chunga yalli huatayuc runacuna Abrahamman, Isaacman, Jacoboman cushami nishca llactamanca mana yaicungachu. Paicunallatac jahua shungulla ñucata caticushcamantami mana yaicunga.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.