SAN JUAN 12:16 - Dios Rimashcata Quillcashcami

¹⁶ Cai nishcataca yachacuccunaca chai horasca mana entendircacunachu. Ashtahuanpish Jesús causarishca quipami, paimanta ñaupaman quillcachishca pactashcataca yuyarircacuna.

Nuevo Testamento en Quichua Cañar 1996

¹⁶ Cai nishcata yachacuccunaca chai punzhapica imata mana entendircacunachu. Shina cacpipish Jesús causarishca q'uipami, tucui chai tucushcaca paimanta ñaupaman quillcachishca pactashcata yuyarircacuna.

SAN JUAN 12:16 Referans Kwoze

SAN JUAN 2:22

Chaimantami paipac yachacuccunaca Jesús causaricpica, pai chashna nishcata yuyarishpa Dios quillcachishcatapish, Jesús ima nishcatapish crircacuna.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

SAN JUAN 12:23

Shina huillacpimi Jesusca: —Runa Tucungapac shamushca ñucata jatunyachina punzhami chayamushca.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 8:1

Ñucanchic nicushcamanta ashtahuan yallica, jatun mandac curatami charinchic. Paica jahua pacha Dios mandacucpimi alli maquiman tiyacun.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

SAN JUAN 16:4

Caicunataca chai punzhacuna shamucpi, ñuca utcaman nishcata yuyarichunmi nicuni. Ñuca cancunahuan cashcamantami, caicunataca callaripica mana huillarcani.

SAN LUCAS 24:45

Chai ratomi paicunapac yuyaita cushpa, Dios quillcachishcata alli entendichirca.

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

SAN LUCAS 18:34

Chashna nicpipish paicunaca mana entendircachu. Imamanta chaita nicushcataca mana yacharcachu.

SAN LUCAS 9:45

Yachacuccunaca Jesús chashna nishcataca mana entendircachu. Chaica, paicunaca chaita entendingapacca manarac yuyaita charircachu. Chashna mana entendishpapish, manchashpami mana tapurcacuna.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi jatunyachishca carcani, Chashnallatac cunanpish jatunyachiyari.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

MARCOS 9:32

Paicunaca chai rimashcacunataca mana entendircachu. Chashna mana entendishpapish, manchashpami mana tapurca.