SAN JUAN 11:55 - Dios Rimashcata Quillcashcami

⁵⁵ Israelcunapac Pascua fiesta punzhacunaca ñami caillapi carca. Chaimantami chai punzhacuna manarac chayamucpi, achca gentecuna chuyayangapac Jerusalenman rircacuna.

Nuevo Testamento en Quichua Cañar 1996

⁵⁵ Israelcuna pascua*f** fiestata ruhuangapacca asha punzhacunallami tiyarca. Chai llactapi causac achca gentecunami Diospac ñaupapi alli ricuringapac nishpa, allichiringapac Jerusalenmanca manarac pascua*f** punzha chayamucpi shamurcacuna.

SAN JUAN 11:55 Referans Kwoze

SAN JUAN 12:1

Pascua fiestapac sucta punzha siricpimi, Jesusca Betania puebloman rirca. Jesús causachishca Lazaropish chaipimi causarca.

SAN JUAN 6:4

Israelcunapac Pascua fiestami chayamurca.

SAN JUAN 2:13

Israelcunapac Pascua fiesta ña chayamucucpimi, Jesusca Jerusalén puebloman rirca.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

1 CORINTIOS 11:28

Chaimantami manarac micushpa, manarac ubiashpa, quiquin ima shina cashcatarac yuyarina can.

HECHOS 24:18

Diospac ñaupapi alli ricuringapac armarishca quipami, Asia llacta maijan israelcuna Diosta mañana huasi ucupi ricurirca. Chaipica mana tauca gentecunahuanchu carcani, mana pita bullapi churacurcanichu.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

SAN JUAN 5:1

Chai quipaca, israelcunapac fiestami carca. Chaimantami Jesusca Jerusalenman rirca.

SAN JUAN 2:6

Chaipica, israelcuna yacuta jundachishpa chuyayana sucta rumi tinajacunami tiyarca. Chai tinajacunaca ishcai puñu yalli yacutami apac carca.

MARCOS 14:1

Levadura illac tandata micuna, Pascua punzhapac ishcai punzha siricpimi, curacunata mandac curacunapish, mandashcacunata yachachiccunapish Jesusta ima shina pacalla japishpa huañuchinata yuyaricurca.

SAN MATEO 26:1

Jesusca tucui chaicunata nishpami, paipac yachacuccunataca:

SALMOS 26:6

Mandac Dioslla, ñuca ima millaita mana ruhuashcamantami, maquita jahuarishpa cambac altar muyundiman risha.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

1 SAMUEL 16:5

Shina tapucpi Samuelca: —Ari, ñucaca Mandac Diosman cushpa, rupachingapacmi shamuni. Cancunapish Diospaclla tucushpa Diosman cushpa rupachingapac ñucahuan jacu— nirca. Chai quipaca Isaitapish, paipac churicunatapish chuyayachishpami Diosman cushpa rupachingapac jacu nirca.

NÚMEROS 9:6

Ashtahuanpish maijanca huañushcapi tuparishpa mapa cashcamantami Pascua micuitaca mana micui pudircacuna. Chaimantami paicunaca Moisespacman, Aaronpacman

NÚMEROS 9:10

—Israelcunataca: “Cancunapuramanta, mana cashpaca cancunapac huahuacunamantaca huañushcapi tuparishpa mapayashca cashpapish, carupi cashpapish Mandac Dios ñucata yuyarishpa Pascua micuita ruhuai pudinmi.

SAN MATEO 26:2

—Caimanta ishcai punzha quipa, Pascua punzha cashcataca cancunallatac yachanguichicmi. Chai punzhapimi, Runa Tucungapac shamushca ñucataca, cruzpi chacatachun japichingacuna— nirca.

SAN LUCAS 22:1

Levadura illac tandata micuna Pascua fiestami chayamucurca.

HECHOS 21:24

Paicunata Diosta yuyarina huasiman pushashpa, paicunahuan armari. Paicuna acchata pitichunpish cullquita pagangui. Chashna ruhuacpica, tucui israelcunami canmanta ima uyashcatapish: “Mana chashnachu cashca. Paipish Moisés mandashcacunata pactachicllatacmi cashca” ningacuna.

HECHOS 21:26

Chaimantami Pabloca cayandi punzha chai chuscu runacunata pushashpa, Diospac ñaupapi alli ricuringapac armaringapac rirca. Chashna ruhuashpaca, paicuna armarina punzhacuna ima punzha tucurina cashcata curacunaman huillangapacmi, Diosta mañana huasiman yaicurca. Chai punzhapimi ofrendata cuna carca.