SAN JUAN 11:51 - Dios Rimashcata Quillcashcami

⁵¹ Chaitaca mana paipac yuyaimantachu nirca, ashtahuanpish chai huatapi curacunata jatun mandac cashcamantami, Dios yuyaita cucpi, israelcunamanta Jesús huañuna cashcata huillarca.

Nuevo Testamento en Quichua Cañar 1996

⁵¹ Mandac Caifasca mana paipac yuyaimantachu chashnaca nirca, ashtahuanpish chai huatapi curacunata jatun mandac cashcamantami, Dios yuyaita cucpi, israelcunamanta Jesús huañuna cashcata huillarca.

SAN JUAN 11:51 Referans Kwoze

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

NÚMEROS 24:2

Balaam huichailla ricushpaca, israelcuna cada aillu chican chican tiyacuctami ricurca. Chaipimi Diospac Espíritu paipacman shamurca.

NÚMEROS 22:28

Chaipimi Mandac Diosca burrota rimachishpaca: —Can quimsa cutin ñucata macachunca, ¿cantaca imatatac ruhuarcaniyari?— nirca.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

SAN JUAN 11:49

Shina nicpi, paicunapuramanta chai huatapi curacunata mandac Caifasca: —Cancunaca imatapish mana yachanguichicchu.

SAN JUAN 18:13

puntaca Anaspacman aparcacuna. Anasca Caifaspac suegromi carca. Caifasca chai huatapica, curacunata jatun mandac curami carca.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.