SAN JUAN 11:39 - Dios Rimashcata Quillcashcami

³⁹ Chaipimi Jesusca: —Rumita cutichichic— nirca. Shina nicpimi, chai huañushcapac pani Martaca: —Apunchic Jesús, pai huañushcaca ñami chuscu punzha, ashnacungami— nirca.

Nuevo Testamento en Quichua Cañar 1996

³⁹ Chaipimi Jesusca: —Rumita cutichichic— nirca. Shina nicpi, chai huañushcapac pani Martaca: —Apunchic Jesús, pai huañushcaca ñami chuscu punzha tucun. Ñami ashnacunga— nirca.

SAN JUAN 11:39 Referans Kwoze

SAN JUAN 11:17

Jesusca Lazarota ña chuscu punzhata enterrashca cacpimi chayarca.

MARCOS 16:3

Paicuna ricushpaca: —Enterrashca jutcuta tapashca rumitaca, ¿pitac anchuchingayari?— ninacushpami ricurca.

SALMOS 49:7

Shina cashpapish chai charishcahuanca pita mana quishpichi pudinchu. Shinallatac paipish Diosman imata cushpa mana quishpiri pudinchu.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

HECHOS 2:27

Dioslla, ñuca almataca ucu pachapi cachunpish, cambaclla cuerpo ismuchunpish mana saquinguichu.

SALMOS 49:14

Paicunataca huañuimi manada ovejata shina Seolman pushanga. Chaipica huañuimi michic shina cuidanga. Tutamanta pacarinataca allita ruhuashpa causaccunami paicunataca chaqui ucupi churashpa mandangacuna. Seolmi paicunapac causana huasica canga.

SALMOS 49:9

Huiñaita mana huañushpa causasha nishpapish mana cullquita cui pudinchu.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

2 CORINTIOS 2:16

Chingarinaman riccunataca cai mishquilla ashnacuc shina alli huillaica huañuimanmi pushacun, ashtahuanpish quishpirinaman riccunataca cai mishquilla ashnacuc shina alli huillaica causaimanmi apacun. Shina cacpica, ¿pitac cai alli huillaitaca huillai pudingayari?