SAN JUAN 10:4 - Dios Rimashcata Quillcashcami

⁴ Ña tucui llucchishpaca, ovejacunapac ñaupatami paica rin. Ovejacunaca michicpac rimashcata ricsishcamantami catin.

Nuevo Testamento en Quichua Cañar 1996

⁴ Ña tucui llucchishpaca, ovejacunapac ñaupatami paica rin. Ovejacunaca michicpac rimashcata ricsishpaca c'atinllami.

SAN JUAN 10:4 Referans Kwoze

DEUTERONOMIO 1:30

Mandac Diosmi cancunapac ñaupata ringa. Egiptomanta llucchingapac imata ruhuashcataca cancunapac ñahuihuanmi ricurcanguichic. Chashnallatacmi cunanpish cancunamanta macanacunga.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

1 PEDRO 2:21

Chai shina causachunmi Diosca cayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 PEDRO 5:3

Cancunaman mingashca criccunataca, ama cancunapac gentecunata shina mandashpa charichicchu, ashtahuanpish alli ruhuashcata ricushpa catichunca, cancunaracmi allita ruhuana canguichic.

1 CORINTIOS 11:1

Ima shinami ñuca Cristota catishpa causacuni, chai shinallatac cancunapish ñuca shina causaichic.

SAN JUAN 10:8

Manarac ñuca shamucpi, tucui shamuccunaca shuhuaccunami, huañuchiccunami carca, ashtahuanpish ovejacunaca mana catircacunachu.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinami, huiñaita jatun mandac cura tucurca.

EFESIOS 5:1

Cancunaca ña Diospac cuyashca huahuacuna cashcamantaca, pai shina canata yuyaichic.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

CANTARES 2:8

¡Ñuca cuyashca rimashcami uyarin! Paica urcu urcuta, loma lomata saltashpami shamucun.

SAN JUAN 13:15

Cancunapish chashnallatac ruhuachunmi, ñucaca chashna jahuashpa ricuchini.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.

CANTARES 5:2

Ñuca sueñucucpipish ñuca shunguca riccharacunmi. Ñuca cuyashca pungupi huactashpaca: «Ñuca panilla, ñuca cuyashcalla, ñuca urpilla, punguta pascaiyari. Ñuca umataca garuami jucuchicun. Ñuca acchamantaca yacumi shutucun» nishpami cayacushca carca.

SAN JUAN 10:3

Chai michic chayacpica, corral punguta cuidacca punguta pascanmi. Ovejacunaca Michic rimashcata uyanmi. Paica ovejacunataca shutipi cayashpami, corralmanta llucchin.

SAN JUAN 10:5

Ashtahuanpish mana ricsishca runapac rimashcata uyashpaca, mancharishpami rin, paitaca mana catinchu— nirca.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.