SAN JUAN 10:16 - Dios Rimashcata Quillcashcami

¹⁶ Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

Nuevo Testamento en Quichua Cañar 1996

¹⁶ Shinallatac mana cai corralpi cac ovejacunatapish charinimi. Paicunatapish pushamunami cani. Paicunaca ñuca ima nishcataca uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 10:16 Referans Kwoze

ISAÍAS 56:8

Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

EZEQUIEL 34:23

Paicunata michichunca, ñucata servic Davidtami churasha. Paillami michinga.

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.

1 PEDRO 2:10

Cancunaca ñaupaca Diospac acllashcacunaca mana carcanguichicchu. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Cunanca Dios llaquishcami canguichic.

2 TESALONICENSES 2:13

Apunchic Jesús cuyashca criccuna, ñucanchicca cancunata yuyarishpaca, punzhantami Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

HECHOS 22:14

Chaipimi paica: “Ñucanchic ñaupa taitacunata Mandac Diosmi, pai munashcata yachachun, pai cachashca Jucha Illac Cristota ricuchun, pai rimashcatapish uyachunmi, cantaca ñaupaman acllashca.

HECHOS 18:10

Ñucaca canhuanmi cani. Chaimanta pi cantaca imata mana ruhuangachu. Cai pueblopica achca criccunami tiyan» nirca.

HECHOS 15:14

Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

EZEQUIEL 37:22

Paicunata Israel llacta urcucunapi churashpa, shuclla llactata ruhuashpami, shuclla jatun mandacta churasha. Ashtahuanpish ña mana ishcai llactachu canga. Mana ishcai mandacchu tiyanga.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ECLESIASTÉS 12:11

Jatun yachaccuna allichishca rimaicunaca puntasapa fierro shinami. Yuyaicunata tandachishpa quillcashca rimaicunaca allita clavashca clavocuna shinami. Chai shimicunataca shuc michicmi curca.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

SAN JUAN 10:2

Ashtahuanpish pipish punguta yaicucmi oveja michicca can.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.

EZEQUIEL 34:12

Ima shinami shuc michic caita, chaita rishca ovejacunata mashcan, chashnallatacmi ñucapish, ñuca ovejacunataca mashcasha. Puyu tapashca amsa punzhacunapimi ovejacunaca caita chaita rirca. Tucui chaicunataca llucchimushami.

SAN JUAN 10:3

Chai michic chayacpica, corral punguta cuidacca punguta pascanmi. Ovejacunaca Michic rimashcata uyanmi. Paica ovejacunataca shutipi cayashpami, corralmanta llucchin.

SAN JUAN 10:4

Ña tucui llucchishpaca, ovejacunapac ñaupatami paica rin. Ovejacunaca michicpac rimashcata ricsishcamantami catin.

SAN JUAN 10:5

Ashtahuanpish mana ricsishca runapac rimashcata uyashpaca, mancharishpami rin, paitaca mana catinchu— nirca.

SAN JUAN 17:20

Mana paicunallamantachu mañani, ashtahuanpish paicunapac huillashcata uyashpa, ñucata criccunamantapishmi mañani.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

SAN LUCAS 15:8

Shuc huarmi, chunga cullquita charicushpa shuc chingaricpica, ¿manachu luzta japichishpa, huasi ucuta pichashpa, taringacaman mashcanman?