SAN JUAN 1:50 - Dios Rimashcata Quillcashcami

⁵⁰ Shina nicpimi Jesusca: —¿Ñuca: “Higo yura ucupi cacllapitacmi ña ricurcani” nicllapichu cringui? Ashtahuanpish chaimanta yallitami ricungui— nirca.

Nuevo Testamento en Quichua Cañar 1996

⁵⁰ Shina nicpi Jesusca: —¿‘Higo yura ucupi cacllapitacmi ña ricurcani’ nicllapichu cringui? Ashtahuanpish caimanta yallitami ricungui— nirca.

SAN JUAN 1:50 Referans Kwoze

SAN JUAN 11:40

Shina nicpimi Jesusca: —¿Manachu ñucaca: “Crishpaca, Dios imatapish ruhuaclla cashcata ricunguimi” nircani?— nirca.

SAN JUAN 20:29

Chashna nicpimi Jesusca: —Tomás, canca ricushpatacmi cringui. Manapish ricushpa criccunaca, yallita cushicuichic— nirca.

SAN LUCAS 1:45

Canca Dios nishca pactanatami crishcangui. Chaimanta cushicui— nirca.

SAN MATEO 25:29

Achcata charicmanmi, ashtahuan cushca canga. Chaimantami ashtahuan charinga. Cutin mana charicmantaca, ashalla charishcatapish quichushcami canga.

SAN LUCAS 7:9

Chashna nicta Jesús uyashpaca, macharishpami saquirirca. Chaimantami caticcunata ricushpaca: —Cashna crictaca, israelcunapurapish mana tarishcanichu, chaica chashnatacmi— nirca.

SAN MATEO 13:12

Maijan alli yuyaita charicmanca, ashtahuanmi cunga. Chashna cucpica, ashtahuanmi charinga. Ashtahuanpish mana charicmantaca, pai ashalla charishcatapish quichungami.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

SAN JUAN 1:51

Shinallatac Jesusca: —Jahua pacha pascarictapish, Diospac angelcuna Runa Tucungapac shamushca ñucapac jahuata huichicucta, uricuctami ricunguichic. Chaica chashnatacmi canga— nirca.