SAN JUAN 1:38 - Dios Rimashcata Quillcashcami

³⁸ Jesús chashna caticta tigrarishpa ricushpaca: —¿Imatatac mashcacunguichic?— nirca. Shina nicpimi paicunaca: —Rabí, ¿maipitac causangui?— nirca. («Rabí» nishpaca, «Yachachic» nisha ninmi).

Nuevo Testamento en Quichua Cañar 1996

³⁸ Chashna c'aticta tigrarishpa ricushpami Jesusca: —¿Imatatac mashcacunguichic?— nishpa tapurca. Shina tapucpi paicunaca: —Rabí, ¿maipitac causangui?—nirca. (“Rabí” nishpaca, “yachachic” nisha ninmi).

SAN JUAN 1:38 Referans Kwoze

SAN JUAN 18:7

Jesús cutinllatac tapushpaca: —¿Pitatac mashcacunguichic?— nirca. Shina nicpimi, paicunaca: —Nazaret pueblomanta Jesusta— nirca.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SAN JUAN 18:4

Jesusca, pai ima tucunata ña yachashpami paicunataca: —¿Pitatac mashcacunguichic?— nirca.

SAN JUAN 6:25

Gentecuna yacu cuchata pasashpa Jesus-huan tupashpaca: —Yachachic, ¿ima horastac caimanca shamurcangui?— nirca.

SAN JUAN 3:26

Chaimanta Juanpacman rishpaca: —Yachachic, Jordán yacu chimbapi canhuan tupanacuc, chai can parlacuc runami bautizacun. Achca gentecunami paipacmanca shamucun— nirca.

HECHOS 10:29

Chaimantami can cachashca runacuna ñucapacman chayacpica, imamantapish mana jarcarishpa shamuni. Cancunaca, ¿imapactac cayachircanguichic?— nirca.

SAN JUAN 12:21

Paicunami Galilea llacta Betsaida pueblomanta Felipepacman chayarca. Chashna chayashpaca: —Amito, Jesus-huanmi tupashun ninchic— nirca.

SAN LUCAS 19:5

Jesús chaita pasacushpa, yura jahuata huichailla ricushpaca: —Zaqueo, utca uricui. Cunanca cambac huasipimi pozangapac rina cani— nirca.

HECHOS 10:21

Chaimanta Pedro Cornelio cachashca runacunapacman uricumushpaca: —Ñucami cancuna mashcacushca Simón Pedroca cani. ¿Imatatac nicunguichic?— nirca.

SAN LUCAS 22:61

Chashna cantacpimi, Apunchic Jesusca Pedrota tigrarishpa ricurca. Chashna ricucpimi: «Manarac gallo cantacpimi, quimsa cutin ñucataca negangui» nishpa, Apunchic Jesús nishcata yuyarirca.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

SAN LUCAS 14:25

Jesusca paihuan ricuc achca gentecunata ricushpaca:

SAN LUCAS 10:39

Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

SAN LUCAS 8:38

Supaicunata llucchishca runapish paita pusharichunmi mañarca. Chashna mañacpimi Jesusca:

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

1 REYES 10:8

Cambac runacunaca yallita alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

LAMENTACIONES 5:19

Mandac Dioslla, ashtahuanpish canca huiñaitami mandangui. Can mandashpa tiyarinaca huahua huahuacamanmi canga.

SAN JUAN 1:37

Juanpac ishcai yachacuccuna chaita uyashpaca, Jesusta catishpa rircami.

SAN JUAN 1:39

Shina nicpimi Jesusca: —Ricungapac shamuichic— nirca. Chashna rishpami, pai maipi causacta ricurcacuna. Ña chuscu horas chishi shinamantaca tutacamanmi chaipi paihuan carcacuna.

SAN JUAN 4:31

Chai gentecuna manarac chayamucpimi, Jesuspac yachacuccunaca: —Yachachic, micuiyari— nirca.