SAN JUAN 1:34 - Dios Rimashcata Quillcashcami

³⁴ Chaitaca ñucami ricurcani. Chaimantami: “Paica Diospac Churimi” nishpa, huillacuni» nirca.

Nuevo Testamento en Quichua Cañar 1996

³⁴ Chaicunataca ñucami ricurcani. Chaimantami: ‘Paica Diospac Churimi’ nishpa huillacuni— nirca.

SAN JUAN 1:34 Referans Kwoze

SALMOS 2:7

Mandac Dios cushca mandashcataca huillashami. Pai ñucata rimashpaca: «Canca ñuca churimi cangui. Cunanmi canmanca causaita cuni.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

SAN MATEO 4:3

Chashna cacpimi, diablo Jesuspacman cuchuyashpaca: —Can Diospac Churi cashpaca, cai rumicunata tanda tucuchun ni— nirca.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 2:18

Tiatira pueblopi cac tandanacushca criccunata ricuc angelman quillcai: “Ñahui murucunapish nina jagan nicuc shina, shinallatac chaquicunapish bronce rupashca jagan nicuc shinata charic Diospac Churica:

ROMANOS 1:4

Diospac jucha illac Espiritumi poderhuan huañushcacunapuramanta causachirca. Chashnami Diospac Churi poderyuc cashcata ricuchirca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

1 JUAN 4:9

Ñucanchic paimanta huiñai causaita charichunmi, Diosca paipac shuclla Churita cai pachaman cachashpa, pai cuyac cashcataca ricuchirca.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

1 JUAN 2:23

Maijanpish “Cristoca mana Diospac Churichu” nicca mana Dios-huanchu, ashtahuanpish “Jesusca Diospac Churimi” nishpa huillacmi, Dios-huanca can.

2 CORINTIOS 1:19

Silvanopish, Timoteopish, ñucapish cancunaman huillacushca, Diospac Churi Jesucristoca mana chai ratollatac «ari», «mana» nicchu carca. Jesucristoca Dios-huan ari nishcata pactachicmi.

SAN JUAN 19:7

Shina nicpimi israelcunaca: —Pai ‘Diospac Churimi cani’ nishcamantaca, ñucanchicta mandashcapi nishca shinaca, huañunami can— nirca.

SAN JUAN 11:27

Shina nicpimi Martaca: —Ari, Apunchic Jesús crinimi. Canca Diospac Churimi cangui. Cai pachaman shamuna cashca Cristomi cangui— nirca.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

MARCOS 1:1

Diospac Churi Jesucristomanta alli huillanaca, cashnami callarin.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.

SAN MATEO 27:40

camishpaca: «Diosta mañana huasita urmachishpapish, quimsa punzhapica cutin shayachishallami nircanguimi. Can Diospac Churi cashpaca, ¡cruzmanta uricuiyari!» nircami.

SAN MATEO 26:63

Ashtahuanpish, Jesusca imata mana nircachu. Chaimantami mandac curaca: —Causac Diospac shutipi huillai. ¿Canchu Diospac Churi Cristoca cangui?— nirca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

2 JUAN 1:9

Maijanpish chingarishpa, Cristo yachachishcamanta ashtahuan yallichishpa yachachisha nicca, mana Dios-huanchu. Maijanpish Cristo yachachishca shina yachachicllami Dios-huanpish, paipac Churi Jesucristohuanpish can.

HEBREOS 7:3

Melquisedecpac taita mamamantapish, paipac aillucunamantapish pi cashcaca mana yacharinchu. Pai huacharishcamantapish, huañushcamantapish pi mana yachanchu. Chaimantami Diospac Churi shina huiñai huiñaita Diospac cura can.

SAN LUCAS 3:22

Chashnallatac Diospac Espiritumi paloma shina jahuamanta paipac jahuaman urai shamurca. Shinallatac jahua pachamanta rimashpaca: «Canmi ñuca cuyashca Churi cangui. Canllami ñucataca cushichingui» nirca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

MARCOS 1:11

Shinallatac jahua pachamanta rimashpaca: «Canmi ñuca cuyashca Churica cangui. Canmi ñucataca yallita cushichingui» nirca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SAN MATEO 4:6

churashpaca: —Can Diospac Churi cashpaca, caimanta shitari. Dios quillcachishcapica: “Ama huactarichunca, Diosmi paipac angelcunata jarcachun cachanga. Chaquillatapish ama chugririchunca, angelcunami maquipi chasquinga” ninmi— nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 6:69

Ñucanchicca cantaca crishcanchicmi. Dios cachashca Jucha Illac cashcatapish yachanchicmi— nirca.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.