SAN JUAN 1:10 - Dios Rimashcata Quillcashcami

¹⁰ Chai Rimashca Shimica cai pachapimi carca. Diosca chai Rimashca Shimihuanmi cai pachataca ruhuarca. Chashna cacpipish, cai pachapi causaccunaca paitaca mana ricsircachu.

Nuevo Testamento en Quichua Cañar 1996

¹⁰ Chai Rimashca Shimimi cai pachapi carca. Taita Diosca chai Rimashca Shimihuanmi cai pachataca ruhuarca. Chashna cacpipish, cai pachapi causaccunaca paitaca mana ricsircacunachu.

SAN JUAN 1:10 Referans Kwoze

SAN JUAN 17:25

Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

1 JUAN 3:1

Ñucanchic Dios mai cuyashcamantami, ñucanchictaca paipac huahuacuna nishpa cayan. Chaica chai shinatacmi canchic. Cai pachapaclla causaccunaca Diosta mana ricsishcamantami ñucanchic paipac cashcatapish mana ricsincuna.

1 CORINTIOS 2:8

Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

HEBREOS 11:3

Crishcallamanta Diospish rimashcallahuan cai pachata, jahua pachata ruhuashcatami yachanchic. Chaitaca imapish mana ricuricmantami ruhuashca.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 1:5

Chai Achicyachicmi amsapi achicyachicun. Amsaca chai achictaca mana amsayachinchu.

HECHOS 14:17

Chashna cacpipish, Diosca tamyahuan granota pucuchishpa, mana nicta carashpami cushichicun. Chashna allita ruhuashpami, pai pi cashcata ricuchin— nirca.

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Ñucapish caicunata ruhuacunimi— nirca.

GÉNESIS 16:13

Agarca paihuan rimacuc Mandac Diostaca: «Ñucata ricuc Diosmi cangui» nishpami shutichirca. Shinallatac: «Chaica, ¿manachu ñucata ricuc Diosta ricuni?» nirca.

GÉNESIS 18:33

Mandac Dios Abrahamhuan parlanata tucuchishpaca, rircallami. Abrahampish pai causacushcamanmi cutirca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

SAN JUAN 1:3

Paillahuantacmi Diosca tucuita ruhuarca. Mana paihuan ruhuashcaca imatapish mana tiyanchu.

SAN JUAN 1:11

Paipac gentecunapacmanmi shamurca. Ashtahuanpish paipac gentecunaca mana chasquircachu.

1 CORINTIOS 8:6

ñucanchicmanca shuclla Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

COLOSENSES 1:16

Diosca paihuanmi jahua pachapi tiyac imacunatapish, cai pachapi tiyac imacunatapish, ricuipaccunatapish, mana ricuipaccunatapish, poderta charic mandac espiritucunatapish ruhuarca. Tucuitami paihuan ruhuashpa, paipaclla cachun ruhuarca.