JOSUÉ 9:10 - Dios Rimashcata Quillcashcami

¹⁰ Shinallatac Jordán yacumanta chimba ladopi causac amorreocunata ishcai jatun mandaccunata imata ruhuashcatapish uyarcanchicmi. Chai mandaccunaca Astarot llactapi Hesbón pueblota mandac Sehón, shinallatac Basán pueblota jatun mandac Ogmi carca.

JOSUÉ 9:10 Referans Kwoze

JOSUÉ 12:4

Basán llactataca jatun mandac Ogca refaitacunapuramanta saquirishcami carca. Paica Astarot, Edrei pueblocunapimi causarca.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 1:4

Hesbón llactapi causac amorreocunata jatun mandac Sehonta shinallatac Edrei, Astarot llactapi causac Basán llactata jatun mandac Ogta atishca quipami caicunataca huillarca.

1 CRÓNICAS 6:71

Gersonpac huahua huahuacunamanca Manasespac chaupi aillupac Basán llactapimi Golán, Astarot pueblocunata muyundi michina pambacunandi curca.

GÉNESIS 14:5

Chunga chuscu huatapica jatun mandac Quedarlaomerca paihuan apanacuc jatun mandaccunahuan shamushpami, Astarot Karnaiam llactapi causac refaitacunatapish, Ham llactapi causac zuzitacunatapish, Save-quiriataim pueblopi causac emitacunatapish,

NÚMEROS 20:14

Cadesmantami Moisesca huillaccunata Edom llactata jatun mandacpacman cacharca. Paicunataca: «Cambac huauqui Israelca: “Ñucanchicta tucui llaquicuna japishcataca yachanguimi.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.

JOSUÉ 9:11

Chaimantami ñucanchicta pushac yuyaccunapish, ñucanchic llactapi tucui causaccunapish ñucanchicta rimashpaca: “Ñanpi micungapac cucayuta apashpa, paicunata tupangapac richic. Paicunapacman chayashpaca: ‘Ñucanchicca cancunata serviccunami canchic. Ñucanchic-huan imatapish pactachingapac ari niyari’ ninguichic” nirca.

JOSUÉ 13:31

Basán llactata mandac Og mandacushca chaupi Galaad llactatami Astarot, Edrei pueblocunandi Manasespac churi Maquirpac chaupi ailluman, paicuna mashna cashcata ricushpa curca.

JOSUÉ 2:10

Cancuna Egiptomanta llucshicucpi, cancuna pasachun, Puca Cuchata Mandac Dios chaquichishcata, shinallatac Jordán yacu chimba ladopi causac amorreocunata jatun mandac Sehontapish, Ogtapish imata ruhuashcataca yachanchicmi. Paicunata tucui tucuchishcata uyarcanchicmi.