JOSUÉ 8:31 - Dios Rimashcata Quillcashcami

³¹ Mandac Diosta servic Moisés israelcunata mandashca shinallatacmi ruhuarca. Moisés quillcashpa mandashcapica: Mana labrashca, mana fierro tupashca rumihuan shuc altarta ruhuangui. Chai altarpimi Mandac Diosman animalcunata cushpa tucui rupachingui. Shinallatac Dios-huan alli tucungapacpish, animalcunata cushpa rupachingui ninmi.

JOSUÉ 8:31 Referans Kwoze

2 CRÓNICAS 35:12

Chai quipaca Moisés quillcashcapi nicushca shinallatacmi israelcunapac cada familiaman rupachina animalcunamanta aichata japishpa, asha ashata cararcacuna. Huagracunata huañuchishpapish chashnallatacmi ruhuarcacuna.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.

ÉXODO 24:5

Chai quipaca israelpuramanta maijan mosocunatami Mandac Dios-huan alli tucungapac shuc maltón huagrata huañuchishpa, rupachichun cacharca.

ÉXODO 18:12

Quipaca Moisespac suegro Jetroca animalta huañuchishpa, Diosman cushpa, tucui rupachishpami, shuctac ofrendatapish curca. Aaronpish, tucui israelcunata pushaccunapish Moisespac suegro Jetrohuan Diospac ñaupapi micungapacmi rirca.

SAN MATEO 12:26

Satanás mandashca supaicuna piñanacushpa, llucchishpa cachanacucpica, pai mandanaca tucuringami.

NEHEMÍAS 13:1

Chai punzhapica Moisés quillcashcatami tucui gentecunapac ñaupapi rezarca. Chai quillcapica moabitacunapish, amonitacunapish Dios acllashcacunahuanca mana tandanacungachu nishpa quillcashcami taririrca.

ESDRAS 6:18

Chai quipaca Moisés mandashpa quillcashcapi nicushca shinallatacmi curacunataca servina horasllatac servichun, levitacunatapish chullayanacushpa Jerusalenpi Diosta servichun churarca.

2 CRÓNICAS 25:4

Ashtahuanpish Moisés mandashpa quillcashca shinallatacmi paicunapac churicunataca mana huañuchirca. Chaipica, Mandac Dios Moisesta rimashpaca: «Taitacunaca mana churicunapac juchamanta huañungachu. Shinallatac churicunaca mana taitacunapac juchamanta huañungachu. Ashtahuanpish maijan cashpapish paipac quiquin juchamantami huañunga» nishcami carca.

2 REYES 22:8

Shina nicpimi, curacunata mandac Hilcías curaca quillcac Safantaca: «Mandashcata quillcashca librotami Mandac Diospac huasipi tarircani» nirca. Shina nishpami chai librotaca Safanman curca. Pai japishpaca rezarcami.

2 REYES 14:6

Ashtahuanpish Moisés mandashpa, quillcashca shinallatacmi chai huañuchiccunapac churicunataca mana huañuchirca. Mandac Diosca Moisestaca: «Churicunapac juchacunamantaca mana taitacuna huañungachu. Shinallatac taitacunapac juchacunamantapish mana churicuna huañungachu. Ashtahuanpish maijan cashpapish quiquin juchamantami huañunga» nishpa mandarca.

DEUTERONOMIO 27:2

Mandac Dios cushca llactaman ringapac Jordán yacuta pasashca punzhapica jatun rumicunata shayachishpami calhuan yuracyachina canguichic.

DEUTERONOMIO 27:8

Chai rumicunapica cai mandashcacunata tucui ricunallata quillcanguichic» nirca.