JOSUÉ 7:15 - Dios Rimashcata Quillcashcami

¹⁵ Maijan cancunapurapi Dios tucuchingapac chicanyachishca tariricpica, paica pai charishcacunandimi rupachishca canga. Paica Mandac Dios-huan ari nishcata mana cazushpa, israelcunapurapi mana allita ruhuashcamantami chashna rupachishca canga— nirca.

JOSUÉ 7:15 Referans Kwoze

GÉNESIS 34:7

Jacobopac churicuna michina pambamanta cutishpa, paicunapac pani Dina ima tucushcata yachashpaca yallitami llaquirirca. Israelcunapurapica Siquem Dinata japirishpa llaquichishcaca jatun pingaimi carca. Pipish mana ruhuashcatami ruhuashca carca. Chaimantami Jacobopac churicunaca yallita piñarirca.

JUECES 20:6

Chashna ruhuashpaca cai Israel llactapica jatun mancharina millaitami ruhuashca. Chaimantami chai huañushca huarmitaca pitinacushpa tucui Israel gentecuna yachachun chai llactaman cacharcani.

2 SAMUEL 13:13

¿Chashna millaita ruhuashca jatun pingaihuanca maimantac rishayari? Cantapish israelcunapurapica, jatun millaita ruhuacmi ningacunami. Chaimanta canllatac jatun mandac-huan parlagri. Jatun mandacca canhuan cazarachun mana jarcangachu— nirca.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.

JOSUÉ 7:16

Josué cayandi tutamanta utca jatarishpa, Israel aillucunamanta paicunapac ailluta catishpa cayacpica, Judá aillumi cuchuyarca.

JUECES 20:5

Chaipi samaricucpimi, Gabaa pueblopi causaccunaca tuta ñucata huañuchingapac chai huasita muyunacurca. Paicuna ñuca caishuc huarmita japishpa yallita llaquichicpimi, paica huañurca.

JUECES 20:10

Tucui Israel aillumantaca patsacmantaca chungata, huarangamantaca patsacta, chunga huarangamantaca huaranga runacunata, micunata mashcachun cachashunchic. Cutin shuccunaca Gabaa pueblopi causac Benjamín aillucuna Israel llactapi jatun mancharina millaita ruhuashcamanta paicunatapish chashnallatac ruhuachuncuna— nirca.