JOSUÉ 6:13 - Dios Rimashcata Quillcashcami

¹³ Oveja gachumanta ruhuashca canchis cornetata apac canchis curacunaca Mandac Diospac Arcata huanduccunapac ñaupatami tocashpa rirca. Paicunapac ñaupataca macanacungapac allichirishca caricuna, cutin caishuccunaca Mandac Diospac Arcata huanduccunapac huashatami rirca. Gachucunapica tocacurcacunallami.

JOSUÉ 6:13 Referans Kwoze

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

SAN MATEO 24:13

Chaica, pipish tucuricaman llaquicunata apactaca quishpiringami.

1 CRÓNICAS 15:26

Mandac Dios ari nishca quillcata huacaichina Arcata levitacuna apacucpi, Dios ayudashcamantami canchis becita, canchis cari ovejata Diosman cushpa huañuchirca.

NÚMEROS 10:25

Quipataca Dan aillupac soldadocunami banderahuan cuidashpa rirca. Paicunataca Amisadaipac churi Ahiezermi mandacurca.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.

JOSUÉ 6:9

Macanacungapac allichirishca caricunaca gachucunapi tocashpa ricuc curacunapac ñaupatami rirca. Cutin caishuccunaca Arcata apaccunapac huashatami rirca. Gachucunapica tocacurcacunallami.

JOSUÉ 6:12

Cayandi tutamanta Josueca utcami jatarirca. Cutin curacunaca Mandac Diospac Arcatami aparca.

JOSUÉ 6:14

Quipa punzhapish, ñaupa punzha shinallatacmi chai pueblota muyushpa, paicunapac carpacunaman cutirca. Chashnami sucta punzhacaman muyurcacuna.