11 Shinami Josueca Diospac Arcahuan, chai pueblota shuc cutin muyushpa, paicunapac carpaman cutishpa chaipi pacarirca.
Chai pueblotaca macanacunata alli yachac tucui soldadocunahuan cada punzha shuc cutin sucta punzhacaman muyuichic.
Josueca gentecunataca: «Cancunaca ama caparinguichicchu, allillapish ama rimanguichicchu. Shuc rimaillatapish ama rimanguichicchu. Ima horas ñuca: “Caparichic” nicpimi, caparina canguichic» nirca.
Cayandi tutamanta Josueca utcami jatarirca. Cutin curacunaca Mandac Diospac Arcatami aparca.
Quipa punzhapish, ñaupa punzha shinallatacmi chai pueblota muyushpa, paicunapac carpacunaman cutirca. Chashnami sucta punzhacaman muyurcacuna.