JOSUÉ 5:7 - Dios Rimashcata Quillcashcami

⁷ Chai huañushca runacunapac randi paicunapac churicunata Mandac Dios pushamushcatami Josueca circuncisionta ruhuarca. Paicunaca ñanpi huacharishcamantami mana circuncisiontaca ruhuashca carca.

JOSUÉ 5:7 Referans Kwoze

DEUTERONOMIO 1:39

Cancunaca: ‘Ñucanchic huahuacunata macashpa quichungacunami’ nircanguichicmi. Ashtahuanpish allitapish, mana allitapish manarac yachac cambac churicunami chaimanca yaicunga. Paicunamanmi chai llactataca cusha. Chai llactapimi causanga.

NÚMEROS 14:31

Ashtahuanpish cancunapac huahuacunami, cancuna mana nishca allpataca japinga. Cancunaca: Ñucanchic huahuacunataca ñucanchicta piñaccunami japishpa aparinga nircanguichicmi. Shina cacpipish, paicunami chai llactataca japinga.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.

JOSUÉ 5:8

Ña tucui gentecunata circuncisionta ruhuashca quipaca alli tucungacamanmi chaillapitac carpacunata shayachishpa tiyarirca.

GÉNESIS 34:14

—Mana circuncisionta ruhuashca runamanca ñucanchic panitaca mana cui pudinchicchu. Chashna cucpica, ñucanchicmanca pingaimi canga.