JOSUÉ 5:5 - Dios Rimashcata Quillcashcami

⁵ Egiptomanta llucshic tucui caricunami circuncisionta ruhuashca carcacuna. Cutin Egiptomanta llucshimushpa shitashca pambapi huacharishcacunaca mana circuncisionta ruhuashcachu carca.

JOSUÉ 5:5 Referans Kwoze

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Dios mushucyachicpi mushuc causanami ashtahuan alli.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

1 CORINTIOS 7:19

Diosmanca circuncisionta ruhuashcapish, mana ruhuashcapish mana ima canchu, ashtahuanpish pai mandashcacunata cazuchunmi munan.

ROMANOS 2:26

Maijan mana circuncisionta ruhuashca cashpapish, mandashcacunata pactachishpaca, circuncisionta ruhuashca shinami can.

SAN MATEO 12:7

Dios quillcachishcapi: “Animalta cushpa rupachinapac randica, shuccunata llaquiccuna cachun” nishcataca, ¿manachu entendinguichic? Chaita entendishca cashpaca, mana faltayucta mana juchanchinguichicmanchu.

JOSUÉ 5:4

Chaica, Egiptomanta llucshimushca macanacunata yachac caricunaca shitashca pambapimi tucui huañurca.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.