JOSUÉ 5:10 - Dios Rimashcata Quillcashcami

¹⁰ Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.

JOSUÉ 5:10 Referans Kwoze

ÉXODO 12:6

Chai animaltaca quilla chunga chuscu punzhacamanmi charicuna canguichic. Chai punzha chishipimi, tandanacushca israelcunaca chai animalta huañuchinga.

EZEQUIEL 12:3

Huañunalla runa, quipita allichishpa, paicuna ricucucpi, can causacushcamanta punzha pacha llucshishpa ringui. Chaita ricushpaca entendingapishchari. Paicunaca mana cazuccunami.

ÉXODO 12:18

Callari quilla, chunga chuscu punzha chishimanta ishcai chunga shuc punzha chishicamanmi levadura illac tandata micuna canguichic.

LEVÍTICO 23:5

Callari quilla, chunga chuscu punzha chishica Mandac Dios ñucapac Pascua punzhami canga.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

JOSUÉ 5:11

Chai Pascua cayandi punzhaca chai allpapi pucushca granocunatami: levadura illac tandata, punta pucushca trigo umata cusashpa micurca.

JOSUÉ 9:6

Gilgal pambapi Josuepish, israelcunapish carpa huasicunata shayachishpa tiyacushcaman chayashpaca: —Ñucanchicca caru llactamantami shamunchic. Cunanca, imatapish pactachingapac ari nichunmi cancunahuan parlanacungapac shamunchic— nirca.

1 SAMUEL 7:16

Paica huatantami Bet-el, Gilgal, Mizpa pueblocunapi israelcunapurapi ima tiyashcata allichingapac ric carca.

2 SAMUEL 15:28

Ñucaca shitashca pambapimi cancuna allita huillangacaman casha— nirca.

JEREMÍAS 39:5

Shina ricpipish, caldeo soldadocuna cati rishpami, Sedequiastaca Jericó pambapi japirca. Chaipi japishpaca Hamat llactapi tiyac Ribla llactamanmi Babilonia llactata jatun mandac Nabucodonosorpacman aparca. Chaipimi paita llaquichichun churarca.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.