JOSUÉ 4:10 - Dios Rimashcata Quillcashcami

¹⁰ Arcata huandushpa ric curacunaca Josueta Mandac Dios mandashca shinallatacmi Moisés ima nishcata ningacaman Jordán yacu chaupipi shayacurca. Chai quipaca, israelcunaca utcami Jordán yacuta pasarca.

JOSUÉ 4:10 Referans Kwoze

JOSUÉ 3:13

Tucui cai pachata Mandac Diospac Arcata huandushpa ric curacuna chaquita Jordán yacupi churacpica, chai yacuca chaupiringami. Jahuamanta shamuc yacuca pirca tucushpami saquiringa» nirca.

2 CORINTIOS 6:2

Dios quillcachishcapica: «Cancunata ayudana punzhapimi uyarcani. Quishpichina punzhapimi quishpichircani» ninmi. ¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

SALMOS 119:60

Can mandashcacunataca mana unaiyashpa, utcami pactachi callarircani.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

ÉXODO 12:39

Egiptomanta apashca, levadura illac chapucunatami tandata ruhuashpa cusashpa micurca. Egiptomanta utca llucchishpa cachacpimi, paicunaca micunatapish mana allichi pudirca.

JOSUÉ 4:9

Shinallatac Josuepish, Jordán yacu chaupipimi Dios ari nishca quillcata huacaichina Arcata huandushpa ric curacuna shayacushca pushtupi chunga ishcai rumicunata shayachirca. Chai rumicunaca cunancamanmi chaillapitac can.

JOSUÉ 4:11

Tucui israelcuna ña pasacpica, curacunapish paicunata catishpami Diospac Arcata apashpa pasarca.

JOSUÉ 24:11

Chai quipaca Jordán yacuta pasashpami Jericó puebloman chayamurcanguichic. Chaipimi Jericó pueblopi causaccunaca cancunahuan macanacungapac shayarirca. Shinallatac amorreocunapish, ferezeocunapish, cananeocunapish, heteocunapish, gergeseocunapish, heveocunapish, jebuseocunapish macanacungapac shayarircami. Paicunatapish ñucaca cancunapac maquipimi churarcani.