JOSUÉ 24:20 - Dios Rimashcata Quillcashcami

²⁰ Cancuna Mandac Diosta saquishpa, shuctac dioscunata servishpa causacpica, piñarishpa cancunamanta anchurishpa llaquichishpami tucuchinga. Cancunaman allita ruhuashca cashpapish tucuchingami— nirca.

JOSUÉ 24:20 Referans Kwoze

HECHOS 7:42

Chaimantami Diosca quiquin munaita ruhuashpa, lucerocunatapish adorachun saquishpa, paicunamanta caruyarca. Dios ima nishcata huillaccuna quillcachishpaca: “Israelcuna, cancuna chuscu chunga huatata shitashca pambapi cashpa, animalta rupachishpaca, mana ñucamanchu curcanguichic.

EZEQUIEL 18:24

Ashtahuanpish cashcata ruhuac runa, allita ruhuanata saquishpa millaita ruhuaccuna shina causashpaca, ¿causangachu? Pai cashcata ruhuac cashcataca mana yuyarishachu. Ashtahuanpish pai ñucata mana cazushpa, millaita ruhuashcamantaca huañungami.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ESDRAS 8:22

Utcapi ñucanchicca jatun mandactaca: «Ñucanchic Diosca paita tucui shunguhuan caticcunataca imamantapish cuidanmi. Ashtahuanpish paimanta caruyaccunataca yallita piñashpa, paipac poderhuan llaquichinmi» nircanchic. Chaimantami ñucanchicta ñanpi cuidachun soldadocunata, caballopi ric soldadocunata jatun mandacman mañanataca pinganayarca.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

HEBREOS 10:38

Cashcata ruhuacca crishcallamantami causanga. Ashtahuanpish mana catictaca piñashami» ninmi.

DEUTERONOMIO 4:25

Cancuna chai llactapi causacushpaca huahuacunayuc, nietocunayuc tucushpami yuyaccuna tucunguichic. Chashna causacushpaca, ama labrashca dioscunata, imaman riccha dioscunata ruhuashpa adoranguichicchu. Chashna ruhuashpaca Mandac Diospac ñaupapi mana allita ruhuashpami paita piñachinguichic.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.

JOSUÉ 24:21

Shina nicpimi, israelcunaca Josuetaca: —¡Mana, can nishca shinaca mana cangachu, ashtahuanpish Mandac Diostami servishun!— nirca.

1 SAMUEL 12:15

Ashtahuanpish Mandac Dios mandashcacunata mana cazushpa, pai nishcatapish mana uyashpa cariyacpica paipac maquihuanmi cancunatapish, cancunata mandactapish llaquichinga.

1 SAMUEL 12:25

Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.

1 CRÓNICAS 28:8

Cunanca, Mandac Diospaclla tandanacushca tucui israelcunapac ñaupapi, ñucanchic Mandac Diospish uyacucpimi, Mandac Dios imata ruhuachun nishcata pactachinguichic. Chaita ruhuashpami pai cancunaman cushca sumac llactataca japinguichic, shinallatac cancunapac huahuacunamanpish tucui causaipac saquinguichic.

SALMOS 89:31

ñuca quillcashpa mandashcacunata yangata ruhuacpi, ñuca mandashcacunata mana cazucpica,