JOSUÉ 22:8 - Dios Rimashcata Quillcashcami

⁸ Chashna cachacushpaca: —Cancunaca cancunapac carpa huasicunaman, achca charishcacunahuan, achca animalcunahuan, curihuan, cullquihuan, broncehuan, achca churanahuan cutichiclla. Cancunata piñaccunamanta quichushcacunataca cancunapac huauquicunahuan chaupinacunguichic— nirca.

JOSUÉ 22:8 Referans Kwoze

NÚMEROS 31:27

Chaicunataca jatun macanacuiman rishpa, macanacuccunaman, tandanacushca israelcunaman pacta pacta chaupichic.

PROVERBIOS 3:16

Alli maquipica unai huata causanatami charicun. Cutin lluqui maquipica charic tucunata, alli nishca canatami charicun.

1 SAMUEL 30:24

Cancunapac yuyaitaca pipish mana uyangachu. Macanacuiman riccunapish, shinallatac charishcacunata cuidangapac saquiriccunapish chashnallatacmi japinga. Tucui mashnami chashna chaupishcata pacta pacta japingacuna— nirca.

HEBREOS 11:26

Egipto llactapi achcata charic canatapish saquishpami, Cristo shinallatac llaquita apanata ashtahuan munarca. Chaica Dios cuna cashcata japina yuyailla cashpami, chaita munarca.

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

2 CRÓNICAS 17:5

Chaimantami Mandac Diosca Josafat mandanataca pi mana cuyuchipacta ruhuashpa, paipac maquipi churarca. Tucui Judá llactapi causaccunami Josafatman imallatapish carangapac apamurca. Chaimantami achca charicpish, alli nishcapish carca.

1 SAMUEL 30:16

Chai runa pushashpa ricpica, chai shuhuac runacuna tucui chai pambapi caipi chaipi micushpa, ubiashpa, fiestata ruhuashpa tiyacuctami japirca. Filisteocunapac llactamanta, Judá llactamanta shuhuashpa apashcacunahuanmi yallita cushicushpami tiyacurca.

2 CRÓNICAS 32:27

Ezequiasca yallita chayuc cashpapish, alli nishcapishmi carca. Paica achca curita, cullquita, sumac rumicunata, mishquilla ashnacucta, escudocunata, shuctac alaja charinacunatapish charircami.

1 CRÓNICAS 5:9

Galaad llactapi achca animalcunata charishcamantami, inti llucshina ladoman rishpa Eufrates jatun yacu ladopi tiyac shitashca pambahuan tupanacuiman causarcacuna.