JOSUÉ 22:4 - Dios Rimashcata Quillcashcami

⁴ Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 22:4 Referans Kwoze

JOSUÉ 13:8

Ashtahuanpish Rubenpac, Gadpac aillucuna, shinallatac Manasespac chaupi ailluca ñami japirca. Paicunamanca Mandac Diosta servic Moisesmi Jordán yacumanta inti llucshina ladoman tiyac llactacunata curca.

NÚMEROS 32:18

Ñucanchicca caishuc israelcuna allpata japingacamanmi huasimanca mana cutishun.

DEUTERONOMIO 3:20

Mandac Dios cancunaman allpata cushpa, sumac causaita cushca shinallatac cancunapac huauquicunapish Jordán yacumanta chimba ladopi cac llactata japingacaman chaipi saquirichic. Chai quipami ñuca cushca llactaman cutinguichic” nishpami cacharcani.

JOSUÉ 13:15

Moisesca Rubenpac aillumanca paicuna mashna cashcata ricushpami allpata curca.

DEUTERONOMIO 29:8

Paicunata atishpaca, allpata quichushpami Rubenpac ailluman, Gadpac ailluman, Manasespac chaupi ailluman curcanchic.

DEUTERONOMIO 12:9

Chaica, manarac Mandac Dios cushca llactapi samaringapac yaicunguichicchu.

HEBREOS 4:8

Israelcunaman samarinata Josué cushca cacpica, mana Diosca, cutin samarina punzhata cunmanchu carca.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 22:3

Cancunapac huauquicunataca unai huatacunatami mana saquishpa cunancaman caipi canguichic. Ashtahuanpish cancunata Mandac Dios mandashcatami pactachishcanguichic.

JOSUÉ 12:6

Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

1 CRÓNICAS 22:18

«¿Cancunata Mandac Diosca manachu cancunahuan? ¿Maita ricpipich, manachu cancunamanca cushi causaita curca? Paimi cai llactapi causaccunataca ñuca maquipi churashca. Chaimantami chai llactapi causaccunaca Mandac Diospac ñaupapi pai acllashcacunapac ñaupapi mandashca causancuna.