JOSUÉ 22:13 - Dios Rimashcata Quillcashcami

¹³ Israelcunaca Eleazar curapac churi Fineestami Galaad llactapi causac Rubenpac, Gadpac shinallatac Manasespac chaupi aillupacman cacharca.

JOSUÉ 22:13 Referans Kwoze

NÚMEROS 25:7

Chaita ricushpami, Aarón curapac churi Eleazarpac churi Fineasca israelcunapac chaupimanta jatarishpa, shuc lanzata maquipi apashca,

JUECES 20:28

Chai punzha Fineasca Eliazarpac churi Aaronpac nietomi Mandac Diosta servic cura carca). Chaipimi israelcuna Mandac Diostaca: —¿Cutinllatac ñucanchic huauqui Benjamín aillucunahuan macanacugrishunchu? ¿Mana cashpaca ña saquishunllachu?— nishpa tapurca. Shina nicpimi, Mandac Diosca: —Macanacugrichiclla, cayami paicunataca cancunapac maquipi churasha— nirca.

ÉXODO 6:25

Aaronpac churi Eleazarca Futielpac ushicunamanta shuc huarmihuanmi cazararca. Chai huarmica Finees huahuatami charirca. Paicunami levitacunapac huahuacuna ima shina cashca shinallatac mandashpa causarca.

SAN MATEO 18:15

Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

JUECES 20:12

Chaimantami israelcunaca maijan runacunata tucui Benjamín aillucunapacman tapuchun cacharca. Paicunataca: —¿Cancunapurapica ima nishpatac cai jatun mancharina millaita ruhuarcanguichic?

DEUTERONOMIO 13:14

Chashna uyaricpica, allita yachangacaman tapushpa puringuichic. Paicuna chashna millana mana allita cancunapac chaupipi ruhuashca cacpica,

NÚMEROS 31:6

Shinami Moisesca cada aillumanta shuc huaranga macanacuc israelcunata macanacuiman cacharca. Eleazar curapac churi Fineasca macanacuipi tocangapacmi Diospaclla huasimanta vasocunatapish, trompetatapish apashpa rirca.

JOSUÉ 24:33

Shinallatac Aaronpac churi Eleazar curapish huañurcami. Paitaca paipac churi Fineespac allpa lomapimi enterrarca. Chai allpaca Efraín urcupimi carca.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

1 CRÓNICAS 9:20

Utcapica Eleazarpac churi Fineasmi paicunataca mandacurca. Mandac Diosca paihuanmi carca.

ESDRAS 7:5

Buquica Abisuapac churi, Abisuaca Fineespac churi, Fineesca Eleazarpac, Eleazarca Aaronpac churimi carca. Aaronca punta curami carca.