JOSUÉ 21:44 - Dios Rimashcata Quillcashcami

⁴⁴ Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 21:44 Referans Kwoze

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

HEBREOS 4:9

Chaimantami Diospac huahuacunamanca shuc samarina tiyanrac.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 1:13

—Mandac Diosta servic Moisés mandashcata yuyarichic. Pai mandashpaca: “Cancunata Mandac Diosca samachishcami, cai allpatapish cushcami.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

DEUTERONOMIO 21:10

Cancunata piñaccunahuan macanacungapac ricpi, Mandac Dios cancunapac maquipi paicunata churacpica, maijancunata prezunguichic.

JOSUÉ 23:1

Mandac Dios israelcunata paicunapac muyundipi causac piñaccunamanta samachishca tauca huatacuna quipami, Josueca tauca huatayuc, ña yuyac cashpa,

ISAÍAS 63:14

Mandac Diospac Espiritumi pugru pambaman shamuc animalcunata shina michirca. Chashnami cambac shutita sumaimana cachun, can acllashcacunataca michircangui.

DEUTERONOMIO 2:36

Arnón jatun yacu patapi tiyac Aroermanta callarishpa, pambacunapi tiyac pueblocunata, Galaadpi tiyac llactacunacamanmi Mandac Diosca ñucanchic maquipi churarca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JOSUÉ 11:12

Shinallatac Josueca chai jatun mandaccunapac tucui pueblocunapi causaccunata chaipi cac tucui jatun mandaccunandimi huañuchirca. Mandac Diosta servic Moisés mandashca shinallatacmi espadahuan huañuchishpa tucuchirca.

2 CRÓNICAS 13:16

Israelcunaca Judá llacta soldadocunapac ñaupamantami miticushpa callparca. Shinami Mandac Diosca Judapac maquipi churarca.