JOSUÉ 21:43 - Dios Rimashcata Quillcashcami

⁴³ Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.

JOSUÉ 21:43 Referans Kwoze

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 28:4

Cai ñucanchic pozashpa causacuc allpata Dios cuchun. Cantapish, cambac huahua huahuacunatapish Abrahamta bendiciashca shina bendiciachun. Cai allpataca Diosmi Abrahamman cusha nirca» nirca.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

DEUTERONOMIO 11:31

Mandac Dios cushca llactata japingapacmi Jordán yacuta pasagringuichic. Chai llactata japishpami, chaipi causanguichic.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

DEUTERONOMIO 17:14

Mandac Dios cugricuc llactata japishpa, chaipi causacushpaca: “Muyundi llactacunapi causaccuna shina, ñucanchicpish jatun mandacta churanatami munanchic” ninguichicmi.

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

DEUTERONOMIO 34:4

Chai tucuita ricuchishpami Mandac Diosca: «Cai llactacunatami Abrahamman, Isaacman, Jacoboman cungapac ari nishpaca: “Cambac huahua huahuacunamanmi cusha” nircani. Ñucaca cai llactacunata ricuchun saquinimi. Shina cacpipish, mana chaiman pasanguichu» nirca.

NÚMEROS 33:53

Chai allpapi causaccunataca tucuita llucchishpa cachashpa, chai llactapi cancuna causachunmi curcani.

JOSUÉ 21:42

Chai pueblocunaca cada pueblomi muyundipi michina pambacunata charirca. Chashnami tucui pueblo carca.

NEHEMÍAS 9:8

Abrahampac shungutaca canhuan alli cashcatami ricurcangui. Cananeocunapac, heteocunapac, amorreocunapac, ferezeocunapac, jebuseocunapac, gergeseocunapac llactata, paipac huahua huahuacunaman cungapacmi paihuan ari nircangui. Canca cashcatac ruhuac cashpami chaitaca pactachircangui.

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

NÚMEROS 34:2

«Israelcunata: “Cancuna Canaán llactaman yaicushpaca, cancunapac allpa linderocunaca caicunami canga.

DEUTERONOMIO 12:29

Cancuna japigricuc llactapi causaccunata Mandac Dios cancunapac ñaupapi tucuchicpica, cancunami chaipica causanguichic.

JOSUÉ 1:6

Ama manchaichu, ashtahuanpish sinchi cai. Canmi ñaupa taitacunaman ñuca cungapac ari nishca allpataca cai tucui gentecunaman chaupishpa cungui.

JUECES 11:24

¿Canca manachu cambac Quemos dios cushcataca, cambac cashcata yuyangui? Shinallatac ñucanchicpish ñucanchicta Mandac Dios ñucanchic ñaupapi quichushpa cushcataca ñucanchicpac cashcatami yuyanchic.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.

2 CRÓNICAS 20:8

Paicunami cai llactapi causashpa, cambac shutipi mañana huasita shayachirca. Paicuna shayachishpaca:

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

SALMOS 105:8

Pai ari nishcataca huiñaitami yuyaricurca. Huaranga huaranga huahuacunahuanpish mana cungarishpa huiñaita pactachingallami.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.