JOSUÉ 2:3 - Dios Rimashcata Quillcashcami

³ Chashna huillacpimi, Jericó llactata jatun mandacca Rahab huarmipacman huillacta cachashpaca: —Cambac huasiman shamushca runacunata llucchishpa cachai. Paicunaca tucui cai llactata ricungapacmi shamushca— nichun cacharca.

JOSUÉ 2:3 Referans Kwoze

2 SAMUEL 10:3

Ashtahuanpish Davidta serviccuna Amón llactaman chayacpi, chai llacta mandaccunaca Hanuntaca: «David chashna cachashpaca, ¿cushichichunchu cachashca canga? David paita serviccunata cachashpaca, ¿manachu quipata tucui tucuchingapac cai llacta imalaya cashcata ricuchun, pueblocunata ricushpa purichun cachashca canga?» nirca.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

HECHOS 12:4

Chaimantami Pedrota carcelpi churashpa, chunga sucta soldadocunata, chuscu chuscu chullayanacushpa cuidachun churarca. Pedrotaca Pascua punzhacuna quipa, tucui gentecunapac ñaupaman llucchishpa juchanchinatami yuyarca.

SAN JUAN 19:4

Pilato cutin llucshishpaca: —Riquichic, ima juchata paipica mana tarinichu, chaita yachaichic— nirca.

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

1 CRÓNICAS 19:3

amonitacunata mandaccunaca Hanuntaca: «¿Canca David cambac taita huañushcamanta cushichichun cachashcatachu yuyangui? Ashtahuanpish, ¿manachu cai llactata ricushpa purichun, paipac serviccunataca cachashca canga?» nirca.

JOSUÉ 10:23

Josué mandashca shinami israelcunaca Jerusalén pueblota, Hebrón pueblota, Jarmut pueblota, Laquis pueblota, Eglón pueblota pichca jatun mandaccunata jutcumanta llucchirca.

LEVÍTICO 24:14

«Tucui camishpa rimashcata uyaccuna paipac uma jahuapi maquita churachun, chai runata carpa huasimanta canzhaman llucchi. Chai quipaca tucui israelcuna tandanacushpa, rumihuan shitashpa huañuchichun.

GÉNESIS 42:31

Shina nicpimi, ñucanchicca: “Pipacpish mana juchanchina gentecunami canchic. Mana pacalla ricushpa puriccunachu canchic.

GÉNESIS 38:24

Quimsa quilla quipami Judamanca: —Cambac nuera Tamarca maijan carihuanchari chayarishpa, huicsayuc tucushcami— nishpami huillarca. Shina huillacpimi Judaca: —¡Chaimanta llucchishpa, rupachichic!— nirca.

JOSUÉ 2:2

Chaita Jericó llactata mandacman maijancuna huillashpaca: —Israelcunapuramanta maijan runacunami cunan tuta cai llactata pacalla ricungapac shamushca— nishpa huillarca.

JOSUÉ 2:4

Ashtahuanpish, chai runacunata chasquishpa, pacashpa charicuc huarmica: —Ari, ñuca huasiman shamurcacunami. Paicuna maimanta cashcataca, mana yacharcanichu.

2 SAMUEL 17:20

Chai quipa Absalonta serviccuna chai huarmipac huasiman chayashpaca: —¿Ahimaaspish, Jonatanpish maipitac?— nishpa tapurca. Shina tapucpimi chai huarmica: —Ñami yacu junduta pasarcacuna— nirca. Shina nicpimi, paicuna mashcashpapish mana tarishpa, Jerusalenman cutirca.

JUECES 4:20

Sisaraca: —Canca, cai carpa huasi pungullapi shuyai. Maijan shamushpa: “¿Maijan cai ucupichu?” nicpica: “Pi mana caipichu” ningui— nirca.