JOSUÉ 2:19 - Dios Rimashcata Quillcashcami

¹⁹ Chai huasimanta maijanpish llucshishpa huañushpaca, paillatacmi juchayuc canga. Maijanpish cambac huasiman yaicushpa huañuchicpica, chai huañushcamantaca ñucanchicmi juchayuc cashun.

JOSUÉ 2:19 Referans Kwoze

HECHOS 27:31

Chaimanta Pabloca pasac soldadocunata mandactapish, caishuc soldadocunatapish rimashpaca: —Barcota purichiccuna shitashpa ricpica, cancunaca huañunguichicmi— nirca.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

HECHOS 20:26

Chaimantami cunan caita huillasha nini: Maijan cancuna juchallapitac huañucpica, Diosca ñucataca mana juchanchingachu.

SAN MATEO 24:17

Maijanpish huasi jahuapi cashpaca, ama huasi ucumanta imata apangapac uricuchun.

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

2 SAMUEL 4:11

¡Manapish millaita ruhuac runata paipac camapi huañuchic millai runacunatacarin! ¿Manachu paicunatapish huañuchishpa cai pachamanta chingachina cani?— nirca.

2 SAMUEL 1:16

Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

JOSUÉ 2:14

Shina nicpimi, chai runacunaca: —Cancuna ñucanchicmanta mana huillashpa, upalla cacpica, ñucanchicca causashunmi, shinallatac cancunapish causanguichicmi. Cai llactata ñucanchicman Mandac Dios cucpica, ñucanchicpish cancunata llaquishpa, mana huañuchishunchu. Chaitaca pactachishuntacmi— nirca.

LEVÍTICO 20:11

Maijanpish paipac taitapac huarmihuan chayarishpaca, paipac taitatami pingaichin. Chaimantami caritapish, huarmitapish huañuchishca canga. Paicunaca mana allita ruhuashcamantami huañuchishca canga.

LEVÍTICO 20:9

Maijanpish paipac taita mamata imapish tucushca canman nicca huañuchishcami canga. Paica mana allita ruhuashcamantami huañuchishca canga.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

JOSUÉ 2:20

Shinallatac ñucanchicmanta can huillacpipish, ñucanchic ari nishcaca yangallami saquiringa— nirca.

ÉXODO 12:22

Chai yahuarta bateacunapi churashpa, hisopo ramata yahuarpi satishpa, huasi pungu ishcai caspicunapi, pungu umbralpi cahuinguichic. Cancunapuramantaca achicyangacamanmi ucumantaca mana llucshina canguichic.