JOSUÉ 2:11 - Dios Rimashcata Quillcashcami

¹¹ Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 2:11 Referans Kwoze

DEUTERONOMIO 4:39

Mandac Diosca jahua pachapipish, cai pachapipish Diosmi. Chaitaca cancunapac shungupi yuyarichic.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.

SALMOS 102:15

Mandac Diospac shutitaca tucui llactapi causaccunami manchanga. Can sumaimana cashcataca tucui cai pachapi causac jatun mandaccunami manchanga.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

1 REYES 8:60

Chashna ruhuacpimi, cai pachapi tiyac tucui llactacunapi causaccunaca shuctac Dios mana tiyashcata, ashtahuanpish Mandac Dioslla, Dios cashcata yachangacuna.

APOCALIPSIS 6:16

Chaipimi paicunaca urcucunatapish, rumicunatapish rimashpaca: «Mandashpa tiyarinapi tiyacucpac ñaupamanta, shinallatac Pactalla Oveja piñarishpa jatun llaquita cachanamantapish, ¡ñucanchic jahuapi urmashpa pacaichicyari!

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

JOSUÉ 14:8

Ashtahuanpish ñucahuan huichai ric huauquicunaca israelcunamanca manchai shungutami curca. Shina cacpipish, ñucaca ñucata Mandac Dios imata nishcatami tucui shunguhuan cazurcani.

DEUTERONOMIO 20:8

Cutinllatac quipa mandaccuna israelcunata rimashpaca: “¿Cancunapurapi maijantac manchaihuan, mana cashpaca shaicushca shina canguichic? Chashna cashpaca, huasiman cutichiclla. Pacta shuccunatapish manchaipi churanman” nirca.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

ÉXODO 15:14

Gentecunaca chaita uyashpaca chucchungami. Filisteocunaca yallita manchangami.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

2 REYES 5:15

Chai quipami Naamanca paipac ricsishcacunahuan Diospac runapacman cutishpa, paipac ñaupapi shayarishpaca: —¡Riqui, tucui cai allpapica Diosca mana tiyanchu! ¡Ashtahuanpish Israel llactapimi tiyan! ¡Chaitami cunan yachac chayani! ¡Chashna cashcamanta canta servic ñuca ima carashcatapish chasquiyari!— nirca.

SALMOS 58:7

Tallishca yacu shina chingarichun. Paicunapac flechacunata shitacpipish, caspi puntallapitac ñuturichun.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.

NEHEMÍAS 6:16

Chaita yachashpami ñucanchicta piñaccunapish, muyundi llactacunapi causaccunapish yangalla cashcata yuyashpa llaquirirca. Shinallatac ñucanchic Dios ayudacpi, tucuchishcatami yacharcacuna.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.