JOSUÉ 17:14 - Dios Rimashcata Quillcashcami

¹⁴ Chai quipaca Josepac churicunaca Josuetaca: —Ñucanchicca Dios bendiciacpimi, cunancamanca achca canchic. ¿Chashna cashca jahuachu ñucanchicmanca shuc suertellata ruhuashpa, shuc parte allpallata cungui?— nirca.

JOSUÉ 17:14 Referans Kwoze

GÉNESIS 48:22

Ñuca espadahuan, arcohuan macanacushpa, amorreocunamanta quichushca Siquem allpataca canmanmi caishuc huauquicunamanta yallita cusha— nirca.

GÉNESIS 48:19

Chaimantami taitaca: —¡Huahua, ñucaca yachanillatacmi! Manasespish tucuita yalli jatun llactami tucunga. Shina cacpipish, paipac quipa huauquimi punta huauquita atishpa, ashtahuan jatun nishca canga. Paipac huahuacunaca achcata mirarishpami, jatun llactacuna tucunga— nishpami, mana chashna churasha nirca.

NÚMEROS 13:7

Isacarpac aillumantaca Josepac churi Igalmi rirca.

JOSUÉ 16:4

Chashnami Josepac churicuna Manasespish, Efrainpish cai allpata japirca.

JOSUÉ 17:15

Shina nicpimi Josueca: —Cancuna achca cashpa, Efraín urcucunata mana pactachishpaca ferezeocunapac, refaitacunapac llactaman rishpa, sachacunata anchuchishpa, cancunapac allpata ruhuaichic— nirca.

EZEQUIEL 48:5

Manasés aillupac allpa lindero ladopica, Efraín aillupac allpami inti llucshina ladomantaca inti tigrana ladocaman canga.

GÉNESIS 48:20

Chai punzhapi Jacobo bendiciashpaca: —Israelcuna paicunapac shutipi bendiciashpaca: “Efrainta shina, Manasesta shina Dios bendiciachun” nishpami bendicianga— nirca. Chashna nishpami, Efraintaca Manasespac ñaupapi churarca.

NÚMEROS 26:54

Maijan aillu achca cacpica, achca allpata, cutin ashalla cacpica, asha allpata cungui. Tucuimanmi mashna cashcata ricushpa allpataca cana can.

NÚMEROS 36:12

Zelofehadpac ushicunaca paicunapac taitapac aillupuramanta runahuan cazaracpimi, paicuna japishca allpaca Manasespac aillupurapi saquirirca. Manasesca Josepac churimi carca. Zelofehadpish Manasespac huahua huahuami carca.