JOSUÉ 17:13 - Dios Rimashcata Quillcashcami

¹³ Shina cacpipish, israelcunaca ashtahuan sinchi tucushpami, cananeocunataca impuestota pagachishpa causarca. Chai llactamantaca mana tucui llucchishpa cacharcachu.

JOSUÉ 17:13 Referans Kwoze

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

2 SAMUEL 3:1

Saulpac huasi ucupurahuan, Davidpac huasi ucupurahuan macanacuica unaitami catirca. Shina cacpipish Davidpac huasimi ashtahuan sinchiyashpa caticurca. Cutin Saulpac huasica fuerza illacmi saquiricurca.

JUECES 1:35

Chaimantami Heres urcupipish, Ajalón, Saalbim pueblopipish causarca. Shina cacpipish, Josepac huasi ucupuramanta mirarishpami amorreocunamantaca impuestota chasquishpa causarca.

JUECES 1:33

Neftalipac aillupish Bet-semes pueblopi, Bet-anat pueblopi causac cananeocunataca mana llucchishpa cachai pudishpami, paicunallahuantac tandarishpa chai llactapi causarca. Bet-semes, Bet-anat pueblopi causaccunaca impuestota cushpami causarca.

JUECES 1:30

Shinallatac Zabulón aillupish Quitrón pueblopi, Nahalal pueblopi causac cananeocunataca mana llucchishpa cachai pudircachu. Chai runacunaca paicunapac chaupillapitacmi impuestota cushpa causarca.

JUECES 1:28

Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.

GÉNESIS 49:15

Pai siricuc pushtu sumac cacpi, chai allpapish alli cacpimi, paipac lomotaca aparingapac ricuchirca. Chaipimi servishpa causasha ninga.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.