JOSUÉ 16:10 - Dios Rimashcata Quillcashcami

¹⁰ Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

JOSUÉ 16:10 Referans Kwoze

JUECES 1:29

Efraín aillupish Gezer pueblopi causac cananeocunataca mana llucchishpa cachai pudircachu. Ashtahuanpish paicunapac chaupillapitacmi Gezer pueblopi causarca.

1 REYES 9:16

Egipto llactata jatun mandac Faraón huichai shamushpami, Gezer pueblotaca macanacushpa quichushca carca. Chai pueblota rupachishpami, chaipi causac cananeocunatapish huañuchishca carca.

JOSUÉ 17:13

Shina cacpipish, israelcunaca ashtahuan sinchi tucushpami, cananeocunataca impuestota pagachishpa causarca. Chai llactamantaca mana tucui llucchishpa cacharcachu.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

JOSUÉ 15:63

Ashtahuanpish Judapac churicunaca Jerusalenpi causac jebuseocunataca mana llucchishpa cachai pudircachu. Chaimantami jebuseocunaca Judá ailluhuan cunancaman chaillapitac causan.

JOSUÉ 10:33

Chaimantami Gezer pueblota jatun mandac Horamca Laquis pueblopi causaccunata ayudangapac rirca. Ashtahuanpish Josueca paitapish, paipac macanacuc runacunatapish tucuimi huañuchirca.

JOSUÉ 16:9

Shinallatac Manasespac ailluman cushca llacta chaupipipish, Efrainpac ailluman chicanyachishca maijan pueblocunapish, muyundi uchilla llactacunandimi carca.

JOSUÉ 17:12

Ashtahuanpish Manasespac churicunaca chai pueblopi causac cananeocunataca mana llucchishpa cachai pudircachu. Chaimantami cananeocunaca chai llactamanta mana llucshishpa, chaipi causarca.

1 REYES 9:15

Jatun mandac Salomonca Mandac Diospac huasitapish, paipac huasitapish, Milo nishcatapish, Jerusalén muyundi jatun pircatapish, Hazor, Meguido, Gezer pueblocunatapish ruhuangapacmi gentecunata tandachirca.

2 CRÓNICAS 8:8

Paicunaca israelcuna mana huañuchishca, chai llactapi saquirishca gentecunapac huahua huahuacunami carca. Paicunamantami Salomonca cunan punzhacaman impuestota japishpa catin.