JOSUÉ 15:4 - Dios Rimashcata Quillcashcami

⁴ Chaimantaca Asmón pueblota pasashpa, Egipto jatun huaicu yacuta catishpa, mama cuchacamanmi carca. Ura lado linderoca caicunami carca.

JOSUÉ 15:4 Referans Kwoze

NÚMEROS 34:5

Chai linderoca Asmonmantaca Egipto huaicu jatun yacuta rishpami, mama cuchapi tucuringa.

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

JOSUÉ 15:3

Acrabim quingraita pasashpa, shitashca pamba Zincamanmi carca. Ura ladomantaca Cades-barnea pueblota huichai rishpa, Hezrón pueblota pasashpa, Adar pueblota huichai catishpa, Carca pueblotami muyucurca.

JOSUÉ 15:47

Shinallatac Asdod pueblopish, muyundipi tiyac huasicunapish, uchilla llactacunapishmi carca. Gaza pueblopish muyundipi tiyac huasicunapish, uchilla llactacunapishmi carca. Chai pueblocunaca Egipto llacta jatun yacucaman shinallatac mama cucha patacunacamanmi carca.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

ISAÍAS 27:12

Chai punzhapica Mandac Diosmi Eufrates jatun yacu ladomanta Egipto jatun yacu ladocaman trillac shina tandachinga. Chaipimi can israelcunataca shucllancaman tandachinga.