JOSUÉ 15:1 - Dios Rimashcata Quillcashcami

¹ Judapac churicunamanpish paicuna mashna cashcata ricushpami suerteta ruhuashpa curca. Paicunaca Edom llactacaman, shitashca pamba Zincamanmi inti llucshina ladoman japirca.

JOSUÉ 15:1 Referans Kwoze

EZEQUIEL 47:19

Ura lado linderoca Tamar llactamantaca Meriba yacucaman, Cades llactamanta Egipto llacta tupanacuipi tiyac yacuta catishpa, mama cuchacamanmi canga.

JOSUÉ 14:2

Chai allpataca Mandac Dios Moisesta mandashca shinallatacmi iscun aillucunamanpish, Manasespac chaupi aillumanpish suerteta ruhuashpa curca.

MARCOS 3:8

Shinallatac Judea llactamantapish, Jerusalén pueblomantapish, Idumea llactamantapish, Jordán yacu chimba lado llactacunamantapish, Tiro, Sidón pueblocunamantapishmi achca gentecuna shamurca. Chai gentecunaca Jesús allicunatami ruhuacucta uyashpami shamurca.

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

DEUTERONOMIO 32:51

Cadespi tiyac Meriba yacupi, shitashca pamba Zinpi cashpaca ñucata llaquichircanguimi. Israelcunapac chaupipica mana ñucataca jucha illac nishpa huillarcanguichu.

JOSUÉ 15:2

Chai ura lado linderoca Cachi Cucha chaquimanta callarishpa,

JOSUÉ 18:5

Chai allpataca canchis partepimi chaupinga. Judapac ailluca paicunapac ura lado llactallapitac saquirichun. Josepac ailluca jahua lado paicunapac llactallapitac saquirichun.

EZEQUIEL 48:7

Rubén aillupac allpa lindero ladopica, Judá aillupac allpami inti llucshina ladomantaca inti tigrana ladocaman canga.

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.