JOSUÉ 14:6 - Dios Rimashcata Quillcashcami

⁶ Judapac churicunami Gilgal pueblopi Josuehuan parlangapac rirca. Chashna rishpami genezeocunapuramanta Jefonepac churi Calebca: —Cades-barnea pueblopi canmantapish, ñucamantapish Mandac Dios paita servic Moisesta imata nishcataca canllatac yachanguimi.

JOSUÉ 14:6 Referans Kwoze

NÚMEROS 14:30

Cancunaman ñuca maquita alzashpa cushami nishca allpapi causangapacca mana yaicunguichicchu. Shina cacpipish, Jefonepac churi Caleb, shinallatac Nunpac churi Josuellami yaicunga.

NÚMEROS 14:24

Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

NÚMEROS 13:6

Judapac aillumantaca Jefonepac churi Calebmi rirca.

JOSUÉ 14:14

Chaimantami Hebrón puebloca cenezeopura Jefonepac churi Calebpac cunan punzhacaman can. Paica israelcunata Mandac Diosta tucui shunguhuan allita catishcamantami chai pueblota paiman curca.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

JOSUÉ 15:17

Chai llactataca Cenazpac churi Calebpac sobrino Otonielmi japirca. Chaimantami Calebca paipac ushi Acsata Otonielman curca.

NÚMEROS 32:12

Llactata ricungapac riccunapuramantaca cenezeopuramanta Jefonepac churi Caleb, Nunpac churi Josuellami Mandac Diostaca tucui shunguhuan catirca. Paicunami chai llactamanca yaicunga” nirca.

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

SALMOS 90:1

Jatun Dioslla, tucui huahua huahuacunapac miticunami cangui.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

1 TIMOTEO 6:11

Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

2 REYES 8:11

Shina nishpami, Diospac runaca Hazaelta pingaichingacaman ricushpa saquirirca. Chashna ricucushpallatacmi Diospac runaca huacarca.

2 REYES 8:7

Chai quipami Eliseoca Damasco puebloman rirca. Chaipica Siria llactata jatun mandac Ben-hadadmi ungushca carca. Chaimantami jatun mandactaca: «Diospac runami caiman shamushca» nishpa huillarca.

2 REYES 4:42

Chai quipami Baal-salisa pueblomanta shuc runa Diospac runaman cungapac punta pucushca granota apamurca. Paica ishcai chunga cebada tandata, mushuc trigo espigacunatapish apamurca. Chaita japishpami, Eliseoca paita serviccunataca: —Gentecuna micuchun carai— nirca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

2 REYES 4:9

Chaimantami chai huarmica paipac cusataca: —Riqui, cai ñucanchic huasita pasac runaca Diospaclla chicanyachishca runa cashcatami yachani.

1 REYES 13:14

Shina tiyarishpami, Diospaclla runata catishpa rishpaca, encina yura ucupi tiyacucta japirca. Chaipi tiyacucta japishpaca: —¿Canchu Judá llactamanta shamushca, Dios ima nishcata huillac runa cangui?— nishpa tapurca. Shina tapucpi paica: —Ari ñucami cani— nirca.

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

JOSUÉ 10:43

Chai quipami Josueca tucui israelcunahuan Gilgal pueblopi tiyac carpa huasicunaman cutirca.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

DEUTERONOMIO 34:10

Israel llactapica Moisés shina, Mandac Dios-huan ñahui ñahui parlac Diosmanta huillacca mana pi tiyarcachu.

DEUTERONOMIO 34:5

Mandac Diosta servic Moisesca pai nishca shinami Moab llactapi huañurca.

DEUTERONOMIO 33:1

Dios acllashca Moisés manarac huañushpa israelcunata

NÚMEROS 13:30

Shina nicpimi, Calebca Moisespac ñaupapi tucui israelcunata upallachishpa: —¡Cunanca, chai llactata quichungapac jacuchic! ¡Ñucanchicmi chai llactapi causaccunata atishpa sinchicuna canchic!— nirca.

NÚMEROS 26:65

Paicunataca Mandac Diosllatacmi: «Shitashca pambapi huañungacuna» nishca carca. Chashnami tucui huañushca carca. Ashtahuanpish Jefonepac churi Caleb, Nunpac churi Josuellami saquirishca carca.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

1 CRÓNICAS 23:14

Diosta servic Moisespac huahua huahuacunataca Levipac aillucunahuan tandachishpami yuparca.