JOSUÉ 14:15 - Dios Rimashcata Quillcashcami

¹⁵ Hebrón pueblopi utca huatapica anaquitapuramanta mai jatun Arbami causarca. Chaimantami utca huatapica chai puebloca Quiriat-arba shuti carca. Shinami chai llactapi mana macanacui tiyacpi samarirca.

JOSUÉ 14:15 Referans Kwoze

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

GÉNESIS 23:2

Saraca Canaanpi tiyac Quiriat-arba nishca Ebrón llactapimi huañurca. Chashna huañucpimi, Abrahamca yallita llaquirishpa huacangapac shamurca.

JUECES 3:11

Chashnami chai llactapi causaccunaca chuscu chunga huatata cushilla causarca. Quipataca Cenazpac churi Otonielca huañurcami.

JOSUÉ 15:13

Jefonepac churi Calebmanca Mandac Dios Josueta mandashca shinallatacmi Judapac churicuna japishca llactapi allpata curca. Anacpac taitapac Quiriat-arba pueblotami curca. Chai puebloca cunanca Hebrón shutimi.

JUECES 8:28

Shinami madianitacunaca israelcunapac maquipi urmashpa mana ashtahuan jatarirca. Shina cacpimi chai llactapica chuscu chunga huatata Gedeón causacui punzhacunapi cushi causai tiyarca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.

JUECES 3:30

Chai punzhapica moabitacunaca israelcunapac maquipimi yaicurca. Chai quipaca pusac chunga huatatami cushilla chai llactapica causarca.

GÉNESIS 35:27

Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

GÉNESIS 37:14

Chashna nicpimi, taita Israelca: —Cunanca, cambac huauquicunatapish, ovejacunatapish ima shina cashcata ricushpa, ñucaman huillangapac cutimugri— nirca. Chashna nishpami, taita Israelca paipac churi Josetaca Hebrón pambamantaca Siquemman cacharca.

JOSUÉ 14:14

Chaimantami Hebrón puebloca cenezeopura Jefonepac churi Calebpac cunan punzhacaman can. Paica israelcunata Mandac Diosta tucui shunguhuan allita catishcamantami chai pueblota paiman curca.

JOSUÉ 21:11

Judá aillupac urcupica Anacpac taitapac cashca Quiriat-arba nishca Hebrón pueblotami muyundi michina pambacunandi curca.

NEHEMÍAS 11:25

Uchilla pueblocuna, chai muyundi llactacunapica Judapac huahua huahuapuramanta maijancunami Quiriat-arba, Dibón, Jecabseel pueblocuna, shinallatac muyundi uchilla llactacunapi causacurca.

JOSUÉ 21:12

Shina cacpipish, chai pueblo muyundi pambataca uchilla llactacunandimi Jefonepac churi Calebman curca.

JUECES 1:20

Moisés nishca shinallatacmi Hebrón pueblotaca Calebman curca. Chai pueblomantami paica Anacpac quimsa churicunata llucchishpa cacharca.

1 SAMUEL 30:31

Hebrón pueblocunapi causaccunamanpish cacharcami. Maipimi paipac runacunahuan David purishca pueblopi causaccunamanpish cacharcami.

1 CRÓNICAS 6:4

Eleazarca Finees churitami charirca. Fineesca Abisúa churitami charirca.