JOSUÉ 14:10 - Dios Rimashcata Quillcashcami

¹⁰ Riqui, cunanca Mandac Diosmi pai nishca shinallatac cunancaman causaita cushca. Shitashca pambapi israelcuna puricui punzhacunapi Mandac Diosca Moisesta chashna nishca punzhamanta cunancamanca chuscu chunga pichca huatacunami tucushca. Riqui, cunanca pusac chunga pichca huatatami charini.

JOSUÉ 14:10 Referans Kwoze

NÚMEROS 14:30

Cancunaman ñuca maquita alzashpa cushami nishca allpapi causangapacca mana yaicunguichicchu. Shina cacpipish, Jefonepac churi Caleb, shinallatac Nunpac churi Josuellami yaicunga.

JOSUÉ 11:18

Josueca chai jatun mandaccunahuanca tauca huatatami macanacurca.

JOSUÉ 13:1

Josueca achca huatayuc, ña yuyac cacpimi, Mandac Diosca: «Canca ña unai huatacunata causashpa, ña yuyacmi cangui. Shina cacpipish, achca llactacuna japina tiyanracmi.

JOSUÉ 14:9

Chai punzhapi Moisés ari nishpaca: “Ñucata Mandac Diosta tucui shunguhuan cazushcamantaca maipimi cambac chaqui sarun, chai allpaca cambacpish, cambac cati churicunapacpishmi tucui causaipac canga” nirca.

JOSUÉ 14:11

Shina cashpapish Moisés chai llactata ñucata ricuchun cachacui punzhacunapi cashca shinallatacmi sinchirac cani. Macanacungapac llucshingapacpish, yaicungapacpish chai punzhacunapi shinallatacmi cunanpish sinchirac cani.

SALMOS 91:7

Cambac lluqui ladopi huaranga, alli ladopi chunga huaranga urmashpa huañucpipish, cantaca pi imata mana ruhuangachu.

SALMOS 107:4

Maijancunaca chushac chaquishca shitashca pambapimi chingarishpa, mai puebloman rina ñantapish mana tarishpa puricurcacuna.

NÚMEROS 14:38

Ashtahuanpish chai llactata ricungapac riccunapuramanta Nunpac churi Josué, shinallatac Jefonepac churi Calebca mana huañurcachu.