JOSUÉ 13:3 - Dios Rimashcata Quillcashcami

³ Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 13:3 Referans Kwoze

JEREMÍAS 2:18

Cunanca, Egiptopi tiyac Nilo yacuta ubiangapac cutishpaca, ¿imatatac llucchinguichic? Asiria llacta Eufrates yacuta ubiangapac cutishpaca, ¿imatatac llucchinguichic?

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.

DEUTERONOMIO 2:23

Shinallatac Gazapi tiyac uchilla llactacunapi causac aveocunataca Caftor llactamanta caftoreocuna shamushpami tucui tucuchishpa, chaipi causai callarircacuna).

1 SAMUEL 6:4

Shina nicpimi filisteocunaca: —Chai juchata anchuchichunca ¿Imatatac cushunyari?— nirca. Shina tapucpimi curacunaca: —Filisteocunata mandaccuna mashna cashca shinallatac pichca curi chuputapish, pichca curi ucuchatapish saquigringuichic. Chai ungüillatacmi tucui cancunatapish, cancunata mandaccunatapish llaquichicun.

JOSUÉ 13:13

Shina cashpapish, israelcunaca gesurcunata, maacateocunataca mana llucchishpa cacharcachu. Ashtahuanpish paicunaca cunancamanmi israelcunapac chaupipi causancuna.

GÉNESIS 10:6

Campac churicunaca: Cus, Mizraim, Fut, Canaanmi carca.

JUECES 16:5

Chai huarmipacman filisteocunata pushaccuna rishpaca: —Sansontaca ima shinapish inquitashpa, ima shina yalli fuerzata charishcata, ima shina paita mishanata tapui. Chaita yachashpami, paitaca alli huatashpa mandashpa charichun. Canmanca ñucanchicca cada shucmi huaranga shuc patsac cullquita cushun— nircacuna.

1 SAMUEL 5:1

Diospac Arcata filisteocuna quichushpaca Eben-ezer pueblomantaca Asdod pueblomanmi aparca.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

ISAÍAS 23:3

Nilo yacu patapi pucushca chagracunatapish, chai yacu chimba ladopi pucushca granotapish apamuc carca. Chaimantami Tiro llactapi causaccunaca achca cullquita japic carca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

1 SAMUEL 5:8

Chaimantami filisteocunata tucui mandaccunata cayachishpaca: —¿Israelcunapac Diospac Arcataca imatatac ruhuanchic?— nishpa tapurca. Shina nicpimi paicunaca: —Israelcunapac Diospac Arcataca Gat puebloman apachun— nirca. Chaimanmi israelcunapac Diospac Arcataca aparca.

1 SAMUEL 5:10

Shina cacpimi, Diospac Arcataca Ecrón puebloman cacharca. Diospac Arcata chai Ecrón puebloman cachacpica, chaipi causaccunaca: «¡Israelcunapac Diospac Arcataca ñucanchictapish, ñucanchic gentecunatapish huañuchunmi ñucanchicpacman apamushca!» nishpa caparirca.

1 CRÓNICAS 13:5

Chaimantami Davidca Diospac Arcata Quiriat-jearim pueblomanta apamungapac Egipto linderopi tiyac Sihor pambamanta callarishpa, Hamat pueblo yaicunacaman tucui israelcunata tandachirca.