JOSUÉ 13:27 - Dios Rimashcata Quillcashcami

²⁷ Yacu lado pambapica Bet-aram, Bet-nimra, Sucot, Zafón pueblocunapishmi carca. Shinallatac Hesbón pueblopi causaccunata jatun mandac Sehón mandacushca pueblocamanmi carca. Chaica, Jordán yacu inti llucshina ladomantaca Cineret mama cucha tucuricamanmi carca.

JOSUÉ 13:27 Referans Kwoze

NÚMEROS 34:11

Sefammantaca Ayinmanta inti llucshina ladoman cac Riblacamanmi canga. Chaimanta uraiman rishpaca, inti llucshina ladoman cac Cineret cucha ladocamanmi canga.

NÚMEROS 32:36

Bet-nimra, Bet-haram llactacunata cutin shayachishpa, muyundita jatun pircacunata ruhuashpa oveja corralcunatapish ruhuarca.

GÉNESIS 33:17

Cutin Jacoboca Sucotman rishpami, chaipi pai causana huasitapish, animalcuna shayana chucllatapish ruhuarca. Chaimantami chai allpataca Sucotta shutichirca.

JOSUÉ 11:2

Shinallatac jahua lado urcupi tiyac pueblocunata mandaccunamanpish, Cineret mama cucha ura ladopi tiyac pueblocunata mandaccunamanpish, Sefela llacta mandaccunamanpish, inti llucshina ladopi tiyac Nafot-dor pueblota mandaccunamanpish huillachun cacharca.

DEUTERONOMIO 3:17

Jordán yacuta lindero ruhuashpami, Arabá llactataca Cineretmanta Arabá Cachi Cuchacaman curcani. Pisga urcu quingraicamanmi inti llucshina ladomanca curcani.

SAN LUCAS 5:1

Jesús Genesaret cucha patapi Diosmanta huillacucpimi, achca gentecuna ñitirinacushpa paipacman shamurca.

1 REYES 7:46

Chai tucui charinacunataca jatun mandacca Jordán pambapimi ruhuachirca. Chaipica quillu allpami carca. Chai pambaca Sucot pueblohuan Saretán pueblohuan chaupipimi carca.

JOSUÉ 12:3

Inti llucshina ladomanca Arabá pambata catishpa, Cineret mama cuchata catishpa, Arabá mama cuchacaman, chaimantaca Cachi Cuchacaman shinallatac Bet-jesimot puebloman rina ñan uraita catishpami carca. Ura ladomanca Pisga loma quingraicunacamanmi carca.

NÚMEROS 32:3

Paicuna rishpaca: —Atarot, Dibón, Jazer, Nimra, Hesbón, Eleale, Sebam, Nebo, Beón llactacunataca

JOSUÉ 13:26

Hesbón pueblomantaca Ramat-mizpa shinallatac Betonim pueblocamanmi carca. Cutin Mahanaim pueblomantaca Debir llactacamanmi carca.

JOSUÉ 13:28

Cai llactacunami Gadpac churicunaman paicuna mashna cashcata ricushpa cushca pueblocunapish, chai ladopi tiyac uchilla llactacunapish can.

SALMOS 60:6

Diosca paipac huasipica: «Ñucaca cushicushpami, Siquem llactata chaupishpa cusha. Sucot pambatapish medishpa cusha.