JOSUÉ 11:6 - Dios Rimashcata Quillcashcami

⁶ Shina cacpimi, Mandac Diosca Josuetaca: «Paicunataca ama manchaichu, caya cai horasllatami paicunataca israelcunapac ñaupapi churasha. Canca caballocunapac chaquicunata paquishpa, carretacunatapish rupachingui» nirca.

JOSUÉ 11:6 Referans Kwoze

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

2 SAMUEL 8:4

Davidca chashna macanacushpa, huaranga canchis patsac caballopi montashca ric soldadocunata japishpa, cutin chaquillahuan ric soldadocunataca ishcai chunga huarangatami japirca. Carretacunata aisac caballocunataca chaquicunatami paquirca. Ashtahuanpish patsac carretacunata aisac caballocunallatami saquirca.

1 SAMUEL 11:9

Chai quipami huillangapac shamuc runacunataca: —Galaad llactapi cac Jabes pueblopi causaccunataca: “Caya punzha inti yallita rupachicuc horasmi cancunataca quishpichishun” ninmi nigrichic— nirca. Huillac runacunaca Jabes puebloman cutimushpaca tucui ima nishcatami huillarca. Shina huillacpimi, chaipi causaccunaca yallita cushicurca.

JUECES 20:28

Chai punzha Fineasca Eliazarpac churi Aaronpac nietomi Mandac Diosta servic cura carca). Chaipimi israelcuna Mandac Diostaca: —¿Cutinllatac ñucanchic huauqui Benjamín aillucunahuan macanacugrishunchu? ¿Mana cashpaca ña saquishunllachu?— nishpa tapurca. Shina nicpimi, Mandac Diosca: —Macanacugrichiclla, cayami paicunataca cancunapac maquipi churasha— nirca.

JOSUÉ 11:9

Josueca Mandac Dios mandashca shinallatacmi paicunataca huañuchishpa, caballocunapac chaquicunata paquishpa, carretacunatapish rupachirca.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 30:16

Ashtahuanpish cancunaca: «Caballocunapi callpashpa quishpirishunllami» nircanguichicmi. ¡Cancuna nishca shinallatac miticushpa callpanguichicmi! Shinallatac: «Yallita callpac caballocunapimi callpashun» nircanguichicmi. ¡Shina cacpipish, cancunata caticcunaca alli callpac caballocunallapitacmi catinga!

PROVERBIOS 20:7

Mana pandarishpa alli causacca cashcata ruhuac runami. Paipac churicunaca pai shina causashpami cushicun.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

2 CRÓNICAS 20:16

Paicunahuan macanacungapacca caya urai ringuichic. Paicunaca Sis urcu huichaitami shamunga. Cancunaca shitashca pamba Jeruelman manarac chayashpami, paicunahuanca ura huaicupi tupanguichic.

JOSUÉ 3:5

Josué israelcunata rimashpaca: «Chuyayashpa, Diospaclla tucuichic. Mandac Diosca cayami cancunaman sumaimanacunata ruhuagrin» nirca.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

JOSUÉ 11:5

Tucui chai jatun mandaccunami tandanacushpa israelcunahuan macanacungapac Merom yacu ladopi carpa huasicunata shayachishpa tiyarirca.

JOSUÉ 11:7

Josueca tucui paipac macanacuc runacunahuan rishpami cungailla Merom yacu ladopi japirca.

JUECES 7:9

Chai tutallatacmi Mandac Dios Gedeontaca: «Jatari, madianitacuna tiyacuc carpa huasicunapi macanacungapac urai ri. Cambac maquipimi paicunataca churarcani.

EZEQUIEL 39:9

Israel llacta llactacunapi causaccunaca macanacuna escudocunatapish, arcocunatapish, flechacunatapish, uchilla flechacunatapish ninapi rupachingapacmi llucshinga. Canchis huatacamanmi yantata ruhuashpa rupachinga.

NAHÚM 2:13

Tucuita Mandac Diosca: «Ñucami canta llaquichigrini. Cambac carretacunata rupachishpami cushnichigrini. Cambac huahua leoncunataca, espadahuanmi tucui tucuchinga. Cai llactamantaca can shuhuashcatapish, tucuchishami. Cambac huillaccuna huillashcapish, jaicapi mana uyaringachu» ninmi.

2 REYES 6:16

Shina nicpimi Eliseoca: —Ñucanchic-huan caccunami paicunahuan cacta atishpa ashtahuan achcacuna. Chaimanta ama manchaichu— nirca.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.