JOSUÉ 10:9 - Dios Rimashcata Quillcashcami

⁹ Josueca Gilgal pambamantaca tucui tuta huichai rishpami amorreocunapacman cungailla chayarca.

JOSUÉ 10:9 Referans Kwoze

2 TIMOTEO 2:3

Canca Jesucristopac alli soldado shina, llaquicunataca apanguilla.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JOSUÉ 11:7

Josueca tucui paipac macanacuc runacunahuan rishpami cungailla Merom yacu ladopi japirca.