JOSUÉ 10:6 - Dios Rimashcata Quillcashcami

⁶ Shina cacpimi, Gabaón pueblopi causaccunaca Josué Gilgalpi carpacunata shayachishpa causacucpi, paipacman huillaccunata cachashpaca: «Canta servic ñucanchictaca ama saquichuyari. Ñucanchicta ayudangapac utca huichaiman shamuiyari. Jahua urcucunapi causac tucui amorreocunata jatun mandaccunami tandanacushpa, ñucanchic-huan macanacungapac shamushca» nirca.

JOSUÉ 10:6 Referans Kwoze

JOSUÉ 9:6

Gilgal pambapi Josuepish, israelcunapish carpa huasicunata shayachishpa tiyacushcaman chayashpaca: —Ñucanchicca caru llactamantami shamunchic. Cunanca, imatapish pactachingapac ari nichunmi cancunahuan parlanacungapac shamunchic— nirca.

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.

SAN LUCAS 1:39

Chai punzhacunapica Mariaca, Judea llacta urcucuna chaupipi tiyac shuc pueblomanmi utca rirca.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

SALMOS 125:2

Jerusalén puebloca, muyunditami urcucunata charin. Chashnallatacmi Mandac Diospish pai acllashcacunapac muyundita cuidacun.

2 REYES 4:24

Chai quipaca burrota parejachishpami chai servictaca: —Cunanca burrota aisashpa utca pushailla. Ama ñanpi shayaringuichu, ñuca shayari nicllapi, shayaringui— nirca.

JOSUÉ 21:11

Judá aillupac urcupica Anacpac taitapac cashca Quiriat-arba nishca Hebrón pueblotami muyundi michina pambacunandi curca.

JOSUÉ 9:15

Chai quipami Josueca paicunahuan apanacushpa causangapac, mana huañuchingapac ari nirca. Chashnallatacmi tandanacushca israelcunata mandaccunapish ari nirca.

DEUTERONOMIO 1:15

Chaimantami cancunapac aillupuramanta alli yachac, imatapish allita ruhuac runacunataca patsacta mandacta, pichca chungata mandacta, chungata mandacta churarcani. Shinami cancunapac ailluta pushachun churarcani.

NÚMEROS 13:29

Neguevpica amalecitacunami causan. Cutin urcucunapica heteocuna, jebuseocuna, amorreocunami causan. Mama cucha pambacunapi, Jordán yacu muyundi pambacunapica cananeocunami causan» nirca.

JOSUÉ 10:5

Chaimantami Jerusalenta, Hebrón pueblota, Jarmut pueblota, Laquis pueblota, Eglón pueblota pichca jatun mandaccunaca tandanacushpa, paicunapac tucui macanacuc runacunahuan llucshirca. Gabaón pueblo chimba ladopimi carpacunata shayachishpa, chai pueblopi causaccunahuan macanacurca.

JOSUÉ 10:7

Chashna nicpimi, Josueca Gilgal pambamantaca alli sinchi macanacuc runacunahuan huichai rirca.

JOSUÉ 9:8

Shina nicpimi, paicunaca Josuetaca: —Ñucanchicca canta serviccunami canchic— nirca. Shina nicpimi Josueca: —Cancunaca, ¿picunatac canguichic? ¿Maimantatac shamunguichic?— nishpa tapurca.