JOSUÉ 10:42 - Dios Rimashcata Quillcashcami

⁴² Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 10:42 Referans Kwoze

JOSUÉ 10:14

Chai punzha shinaca mana tiyashcachu, shinallatac mana tiyangachu. Shuc runa mañashcata uyashpami Mandac Diosca israelcunamanta macanacurca.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 80:3

Sumac Dioslla, utcapi ñucanchic ima shina causacushca shinallatac causachun cutichimuiyari. Cambac sumac ñahuihuan ricucpica, quishpirishunmi.

ISAÍAS 43:4

Ñuca ñahuipica yalli valishcapish, alli nishcapish, cuyashcapishmi cangui. Chaimantami quishpichingapacca runacunatapish, shuctac llactacunatapish cuni.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

JOSUÉ 10:43

Chai quipami Josueca tucui israelcunahuan Gilgal pueblopi tiyac carpa huasicunaman cutirca.