JOSUÉ 10:13 - Dios Rimashcata Quillcashcami

¹³ Shina nicpimi intipish, quillapish israelcuna paicunata piñaccunata tucuchingacaman shayarirca. Chaitaca, ¿manachu Jaser libropi quillcashca? Intica shuc punzhatami mana tigrashpa, chaupi cielopi carca.

JOSUÉ 10:13 Referans Kwoze

HABACUC 3:11

Cambac flechacunaca achicyachinmi, cambac achic nicuc lanzapish ricurinmi, Intipish, quillapish shayarinmi.

ISAÍAS 38:8

Riqui, Acazpac reloj shina gradacunata chunga gradacunata pasashca cacpipish, ñucaca cutinmi huashaiman cutichisha” ninmi ningui» nirca. Chai quipaca intica chunga gradacunata pasashca cashpapish cutin huashaiman cutircami.

JOSUÉ 10:14

Chai punzha shinaca mana tiyashcachu, shinallatac mana tiyangachu. Shuc runa mañashcata uyashpami Mandac Diosca israelcunamanta macanacurca.

JUECES 16:28

Chaipimi Sansonca Mandac Diostaca: —¡Mandac Dioslla, ñucata yuyariyari! Filisteocuna ñuca ñahuicunata llucchishcamanta paicunatapish tucuchingapac cutinllatac ñucaman fuerzata cuiyari— nishpa mañarca.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

JOEL 3:15

Intipish, quillapish amsayangami, lucerocunapish mana achicyachingachu.

JOEL 2:10

Paicunapac ñaupapica cai pachapish, jahua pachapish chucchungami. Intipish, quillapish purayangami, lucerocunapish mana ashtahuan achicyachingachu.

SALMOS 148:3

¡Intipish, quillapish alabaichicyari! ¡Achic nicuc lucerocunapish alabaichicyari!

SALMOS 19:4

Shina cacpipish, pai huillashcaca tucui cai pachapi uyarishpami, cai pacha tucuricaman chayashca. Chaipimi intimanpish huasita churarca.

ESTER 8:13

Chai punzhapica Judá gentecuna paicunata piñaccuna llaquichishca shinallatac llaquichingapac allichirishca cachunmi, chai mandashpa quillcashcata tucui gentecuna yachachun tucui llactacunaman cacharca.

2 SAMUEL 1:18

Judá aillucunapish chashnallatac huacashpa cantachunmi yachacuchun mandarca. Cai cantoca Jaser libropimi quillcashca tiyacun. Cai cantoca:

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

JUECES 5:2

Israelcunata pushaccuna ñaupashpa rishcamantapish, quiquin munaihuan macanacuiman llucshishcamantapish ¡Mandac Diosta alli nichicyari!

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

NÚMEROS 31:2

«Madianitacuna israelcunata ima shinami llaquichirca, chashnallatac paicunatapish llaquichi. Chai quipami huañushpa, cambac taitacunahuan tandanacugringuimi» nirca.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

APOCALIPSIS 8:12

Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.

APOCALIPSIS 6:12

Suctaniqui sellota Pactalla Oveja pascacpica, allpami ima mundota chucchurca. Chaipica intipish yana churana shinami yana tucurca, quillapish pucayashpami yahuar shina tucurca.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

HECHOS 2:20

Ñuca taripana jatun punzha manarac chayamucpimi, intica amsayanga, quillaca yahuar shina puca tucunga.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

NÚMEROS 21:14

Chaimantami Mandac Diospac macanacuimanta quillcashca libropica: «Puca Cuchatapish, Arnón yacutapish pasarcanchicmi.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

2 REYES 20:10

Shina nicpimi Ezequiasca: —Chunga gradata inti llandu ñaupanaca mana sinchichu. Ashtahuanpish chunga gradata huashaiman cutinami sinchi— nirca.

JOB 9:7

Intita ama llucshichun nicpica, mana llucshinchu. Lucerocunapish sellashca shinami mana achicyachin.