JONÁS 4:8 - Dios Rimashcata Quillcashcami

⁸ Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

JONÁS 4:8 Referans Kwoze

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

EZEQUIEL 19:12

Shina cacpipish, piñarishpami pitishpa pambaman shitarca. Inti llucshina ladomanta huaira shamushpami, granocunataca chaquichirca. Sinchi ramacunaca chaquichircami, shinallatac ninami rupachirca.

SALMOS 121:6

Punzhaca intipish mana llaquichingachu. Tutaca quillapish mana imata ruhuangachu.

APOCALIPSIS 7:16

Yarcaihuanpish yacunayaihuanpish ña mana llaquita apangacunachu. Intipish, shuctac ima rupachiccunapish mana rupachingachu.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

JONÁS 1:17

Ashtahuanpish Mandac Diosca Jonasta micuchunca, shuc jatun challuatami cacharca. Jonasca chai challuapac huicsa ucupimi quimsa punzha, quimsa tuta carca.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

CANTARES 1:6

Yana cashcamanta ama ricuracuichicchu. Ñucataca intimi yanayachirca. Ñuca mamapac huahuacunami ñucata piñashpa, uvas chagrata cuidachun churarca. Chaimantami ñucapac uvas chagrataca mana cuidarcani.

SALMOS 39:9

Canllatac ñucata llaquichishcamantami mana rimashpa upalla saquirini.

JOB 2:10

Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

SAN MATEO 20:12

“Cai quipata yaicuccunaca shuc horasllatami trabajashca, ashtahuanpish ñucanchicca tucui punzhami rupaipi llaquita apashpa, trabajashcanchic. ¿Chashna cashca jahuachu, paicunamanpish ñucanchic-huan pacta pagangui?” nirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

GÉNESIS 41:6

Chai quipaca ñañuyashca, inti llucshina ladomanta huaira huactashca canchis trigo uma llucshicuctami ricurca.

1 REYES 21:4

Nabot: «Ñuca taitacuna saquishca allpata mana cushachu» nishcamantami, Acabca mai llaquirishpa piñarishcata ricuchishpa paipac huasiman rirca. Huasiman chayashpaca camapi siririshpa pirca ladota chapashpami micunatapish mana munarca.

JOB 7:15

Ñuca shungupica sipirishpami, alli caiman yuyanimi. Ñuca causanapac randica huañushpami alli caiman.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.