JONÁS 4:2 - Dios Rimashcata Quillcashcami

² Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

JONÁS 4:2 Referans Kwoze

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 145:8

Mandac Diosca cuyac llaquic Diosmi. Yallita llaquicpish, shinallatac mana utca piñaric Diosmi can.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

JEREMÍAS 18:8

Shina cacpipish, chai gentecuna mana allita ruhuanata saquishpa, ñucapacman cutiricpica, paicunata llaquichinata yuyarishcataca saquishami.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

AMÓS 7:3

Shina nicpimi, Mandac Diosca llaquirishpaca: «Mana chashna cangachu» nircami.

JONÁS 3:10

Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

AMÓS 7:6

Chaimantami Mandac Diosca llaquirishpaca: «Mana chashna cangachu» nirca.

SALMOS 90:13

¡Mandac Dioslla, cutimuiyari! ¿Ima horascamantac cutimugringui? Canta serviccunata llaquiyari.

SAN LUCAS 10:29

Chashna nicpipish, chai yachachicca mana upalla saquirircachu. Chaimantami: —¿Pi shuctatac cuyana cani?— nirca.

JEREMÍAS 20:7

Mandac Dioslla, ñucataca umashcanguimi. Ñucaca can umashcami causacuni. Ñucata yalli sinchi cashpami, ñucata mishangui. Tucuimi punzhanta burlashpa asincuna.

DEUTERONOMIO 4:31

Mandac Diosca llaquic Diosmi. Paica mana saquingachu, mana tucuchingachu, shinallatac cancunapac ñaupa taitacunahuan ari nishcatapish mana cungaringachu.

SALMOS 103:8

Mandac Diosca cuyac shungupish, yallita llaquicpish, shinallatac mana utca piñaricpish, yallita cuyacpish canmi.

JEREMÍAS 26:13

Chaimanta cunanca mana allita ruhuashpa causashcamanta allichirishpa, Mandac Dios rimashcata cazuichic. Shina ruhuacpimi, Mandac Diosca cancunata llaquichinata saquinga.

JEREMÍAS 42:10

Cancuna cai llactamanta mana llucshishpa, caipi causai callaricpica, cutin sinchiyachishpa, mana tucuchishachu. Cancunataca tarpushca shinata ruhuashpa, mana pilashachu. Cancunata llaquichishcamantaca llaquirinimi.

JONÁS 3:9

Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.