JONÁS 3:10 - Dios Rimashcata Quillcashcami

¹⁰ Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.

JONÁS 3:10 Referans Kwoze

JEREMÍAS 18:8

Shina cacpipish, chai gentecuna mana allita ruhuanata saquishpa, ñucapacman cutiricpica, paicunata llaquichinata yuyarishcataca saquishami.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

AMÓS 7:6

Chaimantami Mandac Diosca llaquirishpaca: «Mana chashna cangachu» nirca.

SAN LUCAS 11:32

Ninivepi causac gentecunapish Jonás huillacpica, juchayuc cashcamanta llaquirishpa, Diosman cutirircami. Ñucacarin, Jonastapish yallimi caipica cani. Chaimanta Dios taripana punzhapica Nínive pueblopi causaccunapish cunan punzhapi causaccunataca juchanchishpa llaquichinga.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

AMÓS 7:3

Shina nicpimi, Mandac Diosca llaquirishpaca: «Mana chashna cangachu» nircami.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

1 CRÓNICAS 21:15

Mandac Diosca Jerusalenpi causaccunata tucuchichunca shuc angeltami cacharca. Ashtahuanpish chai ángel tucuchicucpimi, Mandac Diosca llaquirishpa, angeltaca: «¡Ña chailla! ¡Ama ashtahuan llaquichichu!» nirca. Mandac Diospac angelca jebuseopuramanta Ornanpac trillana era ladopimi carca.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

JEREMÍAS 36:3

Judá llactapi causaccuna ñuca yallita paicunata llaquichigricushcata uyashpa, mana allita ruhuashpa causacushcata yuyarishpa llaquiringapishchari. Paicuna mana allita ruhuashcata, paicunapac juchacunata ñuca perdonachun llaquiringapishchari» nirca.

JEREMÍAS 42:10

Cancuna cai llactamanta mana llucshishpa, caipi causai callaricpica, cutin sinchiyachishpa, mana tucuchishachu. Cancunataca tarpushca shinata ruhuashpa, mana pilashachu. Cancunata llaquichishcamantaca llaquirinimi.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

JEREMÍAS 18:7

Ñucaca cungaillami uchilla llactacunatapish, jatun llactacunatapish sapindi anchuchic shina, urmachishpa tucuchinata huillasha.