JONÁS 2:6 - Dios Rimashcata Quillcashcami

⁶ Urcu callarimanmi rircani. Allpaca huiñaimanmi ñucata tapashpa charicurca. Ñucata Mandac Dioslla, canmi ñuca causaitaca pambashcamanta llucchircangui.

JONÁS 2:6 Referans Kwoze

SALMOS 30:3

Mandac Dioslla, ñuca almataca Seolmantami llucchircangui. Enterrana jutcuman ama richunmi causaita curcangui.

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

ISAÍAS 40:12

¿Pitac mama cucha yacutaca maqui shunguhuan, cutin jahua pachataca dedohuan medirca? ¿Pitac cai pacha ñuto allpataca paipac quimsa dedohuan tandachirca? ¿Pitac urcucunatapish, lomacunatapish balanzapi pezashpa churarca?

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

SALMOS 104:8

Lomacunata tapashpami pugru pambacunacaman urai rirca. Can churashca pushtullapitacmi tandarirca.

SALMOS 104:6

Cai pachataca mama cucha yacuhuanmi churanahuan pilluc shina pillurcangui. Urcucunapish yacupimi taparirca.

SALMOS 65:6

Canmi urcucunataca cambac poderhuan sinchita ruhuashcangui. Podertaca chumbillirishca shinami charingui.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 30:9

«Ñuca huañushpa, enterrana jutcuman ricpica, ¿imatatac japingui? ¿Allpaca canta alabangachu? ¿Can cashcata nic cashcata huillangachu?

JOB 33:28

Diosmi paitaca enterrana jutcumanta quishpichinga. Shina cacpica, achicta ricushpami paica causanga.

JOB 33:24

Pai tapushpa allita tarishca cashpaca: “Enterrana jutcumanta quishpichircami. Canca quishpirinata tarircanguimi” ninmanmi.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SALMOS 18:5

Seolman ringapac ña huatashca shinami carcani. Huañuchic tucllatami churarcacuna.

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

ISAÍAS 38:10

«Ñucaca: “Ñuca causana chaupi punzhacunapimi Seolman rigrini. Shuctac chaupi punzhacunataca quichushcami” yuyarcanimi.

EZEQUIEL 26:20

Shinami huañushcacunahuan pacta ucuman cachasha. Ñaupa huata gentecunahuan pactami enterrashca cangui. Ñaupa punzhacunapi enterrashca shinami, allpa ucupi cangui. Chashna ruhuacpimi, cai allpapica pipish ña mana causanga.

EZEQUIEL 31:14

Chaica, ima yurapish mashnata parcushca cashpapish ama yalli jatun tucuchun, yura ñahuipish shuctac yuracunata ama atichun, yacuhuan cashpapish ama yalli huiñachunmi chashnaca tucunga. Tucui yurami huañushpa, cai pacha allpa ucupi caccunahuan pacta cangapac ringa.

SALMOS 69:2

Maipi mana shayari pudipac turupimi ucuyashcani. Ñuca chaquihuanpish sinchi allpapi mana tupanichu. Jatun yacuca ucumanmi aisacun.